Ritröð Guðfræðistofnunar - 01.01.2012, Blaðsíða 20

Kirkjunni ber að leitast við að vera öruggur staður [skáletrun mín] fyrir
alla, þar sem hægt er að treysta því að velferð einstaklingsins sé í öndvegi.
Mikilvægt er að allir geti treyst því að kirkjan umber undir engum kringum-
stæðum athæfi sem hefur skaðleg áhrif á andlega og líkamlega velferð við-
komandi. (Sjá: http://kirkjuthing.is/gerdir/1998/18 ).
I framhaldinu eru talin upp eftirfarandi atriði sem lögð voru til grundvallar
samningu starfsreglnanna:
Þegar starfsmaður kirkjunnar er sakaður um kynferðisbrot, ber kirkjunni
a) að viðurkenna að kynferðisbrot geti átt sér stað innan kirkjunnar
b) að hafa í huga að kynferðisbrot eru sérlega alvarleg sökum þess hve
djúpt þau vega að andlegri og líkamlegri velferð þolanda
c) að fjalla á ábyrgan og faglegan hátt um málið
d) að veita þolanda undantekningarlaust áheyrn og taka sársauka-
fulla reynslu hans ávallt alvarlega
e) að hafa í huga að þolandi er yfxrleitt í veikari stöðu en meintur gerandi
f) að leggja sérstaka áherslu á alvöru brota vígðra þjóna kirkjunnar
g) að virða landslög og ákvæði mannréttindasáttmála
h) að sýna samstarfsvilja í málum sem kærð eru til lögreglu og/eða barna-
verndaryfirvalda
i) að gefa réttar og trúverðugar upplýsingar
j) að gera allt sem hægt er til að koma í veg fyrir áframhaldandi brot
geranda.
Starf fagráðs
I upphaflegum reglum um meðferð kynferðisbrota innan kirkjunnar er
fjallað um fagráð, samsetningu þess og hlutverk á eftirfarandi hátt:
L gr-
Kirkjuráð útnefnir fagráð á sviði kynferðisbrotamála. Fagráð er skipað
þremur mönnum og þremur til vara er hafa sérþekkingu á kynferðis-
brotum. Formaður skal vera lögfræðingur, einn ráðsmaður skal vera
læknir eða sálfræðingur eða hafa sambærilega menntun og einn ráðs-
manna skal vera guðfræðingur. Varamenn hvers ráðsmanns skulu
uppfylla sömu skilyrði.