Ritröð Guðfræðistofnunar - 01.01.2012, Blaðsíða 181

Sólveig Anna Bóasdóttir, Háskóla íslands: Ritdómur
Arnfríður Guðmundsdóttir:
Meeting God on the Cross. Christ, the Cross,
and the Feminist Critique
Oxford University Press 2010, 175 bls.
Nýleg bók Arnfríðar Guðmundsdóttur Meeting God on the Cross. Christ,
the Cross and the Feminist Critique sem út kom hjá hinu virta forlagi
Oxford University Press byggir á doktorsritgerð hennar um sama efni frá
árinu 1996. Markmið bókarinnar er að mæta og meta gagnrýni femínískra
samtíma guðfræðinga á klassíska Kristsfræði og guðfræði krossins í því skyni
að endurheimta og endurskapa guðfræði krossins sem guðfræði vonarinnar.
Líkt og doktorsritgerðin skiptist bókin í fjóra kafla. í inngangskafla er
dregin upp mynd af helstu þemum í gagnrýni femínísku guðfræðinnar á
hina klassísku guðfræðihefð. Þessi þemu eru hlutverk og merking reynslu
kvenna, karlveldisskekkja kristinnar hefðar og kynjahyggja hins trúarlega
tungumáls. Femínískir guðfræðingar sem fjallað hafa um ofangreind þemu,
eru margir og fjallar Arnfríður um framlag fjölmargra þeirra.
í öðrum kaflanum eru nokkrir kunnir femínískir guðfræðingar sem glímt
hafa við hinar kristfræðilegu spurningar flokkaðir í þrjá flokka: I fyrsta lagi
þær sem álíta að ekki sé mögulegt að samræma kristna trú og femíníska
kristfræðilega gagnrýni. I öðru lagi þær sem einblína á mennsku Krists og
setja þar með spurningarmerki við klassískar hjálpræðiskenningar og að
lokum þær sem álíta að femínísk guðfræðigagnrýni sé nauðsynleg forsenda
fyrir endurheimt kristfræðilegra kenninga um sanna mennsku og sannan
guðdóm Krists.
Þekktir guðfræðingar sem tilheyra fyrsta flokknum eru t.d. Mary Daly
og Daphne Hampson. Daly er sannfærð um að kristin trú sé í eðli sín
karlmiðlæg og tungumálið eigi stærstan þátt í því að viðhalda þeirri stað-
reynd. Hampson tekur í svipaðan streng og vísar kristinni trú á bug með
tvenns konar rökum: hins ósiðferðilega neikvæða gildismats hennar í garð
179