Tímarit Máls og menningar - 01.06.2009, Page 26
S t e i n a r B r a g i
26 TMM 2009 · 2
augu og nasir og skömmu síðar rifnuðu líkamarnir frá hálsi og niður að
klofi: eins og þeir væru ofþroskaðir ávextir sem þyrftu ekki nema
minnstu snertingu til að klofna í sundur. Á þennan hátt klofnuðu
vesalings kaupmaðurinn og kona hans, kona bæjarstjórans og gáfaði,
drykkfelldi sonurinn og aumingja presturinn og kona hans. Allan tím-
ann meðan þessu vatt fram var eins og bæjarstjórinn – vel skorðaður
milli fóta barnsins – glotti ýmist breitt af kæti eða væri afar áhyggju-
fullur, og stundum varð hann lýrískur til augnanna, en heildarsvipurinn
var þó tvímælalaust kauðslegur og oft gungulegur.
Þegar kom út á enda götunnar hafði barnið fengið nóg; það togaði til
sín vírinn sem það hafði notað sem mél og klippti sundur höfuð bæjar-
stjórans, en neðri gómurinn og kjálkinn sátu eftir; hálsslagæðarnar gus-
uðu úr sér í taktföstum rykkjum og rétt sem snöggvast gróf barnið
andlitið ofan í strjúpann og laugaði sig. Svo féll skrokkurinn í jörðina og
barnið stökk af baki.
Alls staðar logaði bærinn. Himinninn sást ekki lengur fyrir reyk og
þegar allt fólkið var dautt sneru hundarnir sér loks hver að öðrum þar
til enginn var eftir á lífi. Við hitann frá eldinum krullaðist hár barnsins
og hringaði sig upp í loft, limurinn stóð sperrtur fram af því líkt og spjót
og í augum þess var ekki lengur fjarvera heldur óendanleg dýpt og þrá.
Barnið gekk um göturnar og virti fyrir sér sköpunarverk sitt; gekk svo
að kirkjunni og klifraði upp stigann í klukkuturninn. Það settist á gólf-
ið undir klukkunni og þegar byrjaði að hitna undir því og reykurinn
leysti upp hugsanir þess, glennti það kjaftinn eins vítt og það gat og
neyddi upp í sig kólfinn þar til hann sat kirfilega skorðaður í maganum.
Þá hallaði það sér fram, klemmdi höndunum utan um hnén, þrýsti
höfðinu niður á milli lappanna og hvarf í eldhafið um leið og turninn
féll saman.
Og á sama augnabliki, eitt drungalegt rigningarkvöld í litlum bæ, á
lítilli eyju, langt, langt í burtu frá þessari, byrjuðu kirkjuklukkurnar að
hringja.
TMM_2_2009.indd 26 5/26/09 10:53:23 AM