Tímarit Máls og menningar - 01.06.2009, Síða 107

Á h e l j a r þ r ö m i n n i
TMM 2009 · 2 107
Maður er náttúrulega kominn hérna heim og er bara að reyna vera hress og vill
taka þátt í því að taka til hendinni. Ég get alveg unnið á lyftara og hérna þú veist
… ég get alveg selt sveitasetrið sem ég á í Ölpunum. Ég get alveg farið á skíði með
ykkur í Bláfjöllum. Ég verð ekkert að fara til Austurríkis og liggja í heita pott-
inum með kakó og romm og kellingar. Ég þarf ekkert að vera með einkabílstjóra.
Konan getur bara keyrt mig þegar ég er fullur.
Afmæli eru rauður þráður í sýningunni og oft snilldarlega farið með
þann efnivið. Þar skilur milli víkinga og þræla. Einn hinna síðarnefndu
varð að láta sér nægja að fá Geirmund Valtýsson til að spila í sínu
afmæli. Hann er kveðinn í kútinn af Herra Dæmdum sem þolir ekki
þetta sífellda tuð um forréttindahópa. Hvaða forréttindi eru það til
dæmis að þurfa að fá afmælistertuna senda frá Kaupmannahöfn af því
mamma hans var ekki sú kona sem bakaði? Þetta er náttúrlega svívirði-
leg vanræksla á barni. Hann fékk ekki einu sinni að fara í ljós, var bara
sendur til Spánar ef hann var eitthvað fölur! Það er kannski soldið dýrt
að fá Pink Floyd í afmælið sitt, kannski tvö til þrjúhundruð milljónir, en
getur maður ekki bókað það sem ráðgjöf? Og væri ekki nýstárlegt að
drepa einhvern í afmælinu sínu? Ábyggilega hægt á Jamaica.
Ýkjur eru aðferð Mindgroup, en því fáránlegri sem ýkjurnar voru í
texta því sallarólegri og stilltari voru flytjendur í fasi. Hámarki ná ýkj-
urnar í löngum þjóðernisáróðri Halls í merkilegri múnderingu með
biskupsmítur á höfði þar sem hann telur upp allt það sem er allrabest á
Íslandi, Björk, Sigurrós, Mezzoforte, kokkalandsliðið og landsliðið í
handbolta, og allt var það vitaskuld í afmælisveislunni hans!
Önnur aðferð er að heimfæra klisjur úr umræðum um hrunið yfir á
annað. Blaðamannafundur á ensku með frösum Geirs Haarde er ekki
um gjaldþrot íslensku bankanna heldur hljómsveitina sem ekki getur
leikið á árshátíð Landsbankans af því hún er líka bókuð í veislu hjá Eng-
landsbanka. Og frasarnir um sökudólga sem ekki má leita uppi eða pers-
ónugera vandann eru notaðir í deilum um vatnsbragð af kóki og hvort
hugsanlegt sé að það hafi verið þynnt.
Ekki hafa þeir félagar nokkra trú á að útrásarvíkingarnir hafi lært
einhverja lexíu og mátti heyra mörg dæmi þess í texta, til dæmis hans
sem skiptir mönnum í erni og smáfugla:
Ég er bara einn af þessum strákum úr Garðabænum. Ég valdi ekki að vera örn.
Ég valdi það ekki. Ég bara var það. Ég sóttist ekkert eftir því. Sóttist ekkert eftir
því það bara kom til mín. Bara kom bara. Og það er vegna þess að ég er bjart-
sýnn. Hugumstór eins og örn. Gjafmildur og örlátur … við megum ekki bara
muna það slæma … ha muna bara það slæma … hvað með allt þetta góða ha …
allt þetta ha. Hvað með allt þetta góða sem situr eftir. Gríðarleg uppbygging. Allt
TMM_2_2009.indd 107 5/26/09 10:53:28 AM