Tímarit Máls og menningar - 01.06.2009, Page 140

Á d r e p u r
140 TMM 2009 · 2
þér ekki vaxa það í augum; þó að ég haf neyðst til að marglesa sumt til þess að
fá botninn í er óvíst að þú þurfir nema rétt svona að renna yfir það vegna þess
hversu vel þú ert af guði gerður.
Og nú ætla ég aldeilis að gleðja þig, drengurinn!
Til er rúmlega átta blaðsíðna skrá, A4, um lesefni sem ég kembdi aftur og
aftur áður en ég hóf skrifin um Hallgrím og á meðan á þeim stóð. Þetta er að
vísu algjör óreiðulisti sem ekki er í neinni viðurkenndri röð auk þess sem ég
færði inn á hann athugasemdir um efni sumra þeirra rita, bóka og fræðigreina
sem ég studdist við, strax að lestri loknum. Skráin er í útlegð; geymd á safni í
Vestmannaeyjum. Eyjamönnum þótti sér málið skylt og báðu um hana. Þar er
hægt að líta yfir hana. Hins vegar á ég minnisblöð þar sem allmargra heimilda
er getið og læt fylgja með ef ritstjórar vilja láta svo lítið að prenta það. Þetta er
án athugasemda.
Heimsuppgötvun
„Ágreiningur Hallgríms og Brynjólfs biskups er áhugaverður ef hann er byggður
á túlkun á einhverju sem liggur eftir annan þeirra eða er haft eftir þeim, en sem
hreinn heilaspuni er hann ekki spennandi. Það sama á við skoðanir Hallgríms á
trúmálum, uppruna hans og fleira sem kemur fram í sögunni, fyrir fæstu af því eru
heimildir og sumt rekst á við það sem vitað er um Hallgrím svo ekki sé minnst á
skáldskap hans.“
Atarna er glæsilegur stíll hjá þér, frumleg og skýr hugsun og flott hirting:
Skáldskapurinn er því aðeins áhugaverður að hann sé byggður á heimildum.
Þetta vissi ég ekki þegar ég skrifaði söguna og sannarlega hefðu rithöfundar
fyrri daga betur áttað sig á þessu. Og ekki bara skáldin okkar; þetta er upp-
ljóstrun handa öllum heimi. Og svo augljós þegar hún hefur verið sögð svo
skýrum orðum. Auk þess vita allir, og hafa vitað lengi, að það skiptir máli hvort
það er Jón eða séra Jón sem segir satt.
Kolbrúnir sauðir heimskunnar
Loks langar mig að segja þetta við þig: Margir segja að dómur þinn um Hall-
grím hafi verið illa grundaður og fólskulegur. Einnig hafa menn haldið því
fram að þú hefðir getað hringt til mín eða sent mér tölvuskeyti og spurt mig
um heimildir úr því að skortur á þeim ruglaði fyrir þér lesturinn. En það eru
auðvitað ekki fagleg vinnubrögð, ekki fræðileg og á engan hátt samboðin þér.
Hins vegar þakka ég þér fyrir umsögnina og það líka að þú skyldir sjá það að
lestri loknum að þetta var ekki sjálfsævisaga mín, eins og áðurnefndur kven-
dómari hélt fram í sínum lærða ritdómi. Vegna þessa alls bið ég þig í guðs
bænum almáttugs að halda áfram með bókmenntaumfjallanir þínar á þeirri
heillabraut gáfna og mannvits sem þú vonandi fetar af sama öryggi hér eftir
sem hingað til. Gættu okkar hinna fyrir kolbrúnum sauðum heimskunnar sem
TMM_2_2009.indd 140 5/26/09 10:53:31 AM