Tímarit Máls og menningar - 01.09.2011, Síða 103

„ É g e r k ö t t u r i n n m e ð t í u l í f i n “
TMM 2011 · 3 103
En hér kemur textinn við jazzkantötuna „Á jörð ertu kominn“. Hann hefur ekki
birst á prenti fyrr, að undanskildu nr. VII sem birtist í Tímariti Máls og menningar
ekki löngu eftir að fyrsti fyrirhugaði flutningurinn á kantötunni fór í vaskinn.
Hinsvegar var flokkurinn lesinn í útvarp árið 1973.
– – –
En viti menn! Mánuðum eftir að ég var búinn að skrifa þessa grein og senda TMM,
barst mér til eyrna að tónlist eftir Gunnar Reyni yrði flutt í Norðurljósasal Hörpu
24. ágúst á Jazzhátíð Reykjavíkur. Þar á meðal væri jazzkantatan „Á jörð ertu
kominn“. Þetta kom mér algjörlega á óvart.
Þessi frétt var að vísu ekki alveg rétt því aðeins fjögur ljóð voru flutt úr kantöt-
unni. Þar var kominn, upprisinn af sjúkrabeði og fílefldur, Hilmar Örn Agnarsson
með sinn mjög svo vel og rétt skólaða Kammerkór Suðurlands ásamt einsöngvur-
um og Sveitinni sem Kjartan Valdimarsson leiddi. Kjartan hafði tekið sig til og
skrifað nýja hljómsveitarparta sem voru að öllu hans eigin en þó unnir upp úr
gögnum Gunnars. Mikið afrek.
Fyrir mig var þessi flutningur hjartaknúsandi reynsla í æðra veldi. En mitt
hjarta var auðvitað ekki hlutlaust. Samt leyfi ég mér að halda fram að í fullskip-
uðum salnum hafi þessi tónlist hitt fleiri en mig í hjartastað. Andrúmsloftið og
viðtökurnar voru þannig. Það var eins og minn kæri vinur, Gunnar Reynir, væri
mættur á staðinn með allt sitt heillandi hafurtask í sálinni. Þar á ofan voru þessir
tónleikar helgaðir honum og yfirskrift þeirra var MAÐUR HEFUR NÚ!
Já, svona er Gunnar.