Tímarit Máls og menningar - 01.09.2011, Page 105

Á j ö r ð e r t u k o m i n n
TMM 2011 · 3 105
II
Og sjá:
Hersveitirnar koma frá himni og jörðu og einhver stígur
út úr þyrlunni og einhver stígur út úr drekanum og hann
gengur inn í þorpið og hann safnar saman öldungum og
hann safnar saman konum og hann safnar saman börnum
og hann slær eldi í þorpið og hann skýtur þau í sveita síns
andlitis. Og hann stendur undir himninum og hann horfir
inn í skóginn þar sem eðlurnar syngja og hann stendur
undir sólinni og hann andar svo hann megi lifa og hann
gengur undir himninum og hann leitar þín og hann gengur
undir sólinni og hann finnur þig og hann drepur þig þar
sem eðlurnar syngja. Og hann hverfur inn í þyrluna og
hann hverfur inn í skriðdrekann og hann varðveitir hatrið
og hann kemur og hann sér og hann drepur.
III
Hve einfalt er þitt fyrirheit:
Í upphafi var eitthvað.
Eitthvað varð að lífi
svo þú megir elska.
Hve einfalt er þitt fyrirheit.
Í örbirgð
það lifir
meðal manna.