Tímarit Máls og menningar - 01.09.2012, Qupperneq 88

A l b e r t o B l a n c o
88 TMM 2012 · 2
við gerðum það sem til þurfti
reiddum fram fábrotnar eigur okkar
og létum sem við vissum þegar allt
við lærðum að fella tár
eins og konur og börn
og börn og konur
lærðu að ljúga eins og menn
uppi á himninum mynduðust þrjú stór op
úr því fyrsta kom máninn
upp í annað hóf sig naðran
og ofan úr hinu þriðja
(og þetta vitið þið vel)
kom stjarna úr blikki
þegar hún nam við jörðu
skildum við að tíminn var runninn upp
við gerðum það sem til þurfti
tættum blæjuna í sundur
og slógum trumbur
þar til tómið
fyllti hjörtu okkar
ókunnugt andlit birtist
í þráðum vefsins
og þegar varir þess hreyfðust
dró sig upp nýtt rými frammi fyrir okkur
við gerðum það sem til þurfti
tókum fjöllin
og snerum þeim á hvolf
svo þau næðu andanum
við tókum árnar
og reistum þær upp
svo þær sæju himininn að nýju
þá tókum við upp líkami okkar
á vængbroddunum
ofur varlega
og þvoðum þá í spegli nafnanna