Tímarit Máls og menningar - 01.09.2012, Page 101

H r i f n i n g a r æ ð i o g ö r væ n t i n g í Th u n
TMM 2012 · 2 101
miklu deiglu skáldskapar og lista á árunum fyrir heimsstyrjöldina fyrri. Eitt
þessara skálda var Robert Walser.
Í dag, þegar Heinrich von Kleist er álitinn eitt af höfuðskáldum þýskrar
tungu þrátt fyrir að verk hans séu ekki mikil að vöxtum, er því gjarnan
haldið fram að Kleist lýsi því ekki hvernig fólk ætti að hegða sér, heldur
hvernig það hegðar sér við tilteknar aðstæður. Segja má að hann sé andlega
skyldur svartsýnum hugsuðum á borð við Schopenhauer og Nietzsche hvað
varðar meintan frjálsan vilja mannsins.
Þess má geta að lokum að sérrit Bjarts og frú Emelíu frá 1996 var tileinkað
Heinrich von Kleist. Þar er ritgerð eftir undirritaðan um Kleist og þýðingar á
sögum, hugleiðingum og anekdótum. Þar á meðal er hin magnaða smásaga,
sem áður er getið, Jarðskjálftinn í Chili og tvær af frægustu ritgerðum Kleists:
Hvernig hugsunin verður smátt og smátt til um leið og maður talar og Um
brúðuleikhúsið. Og ekki má gleyma þýðingu, eða réttara sagt endursögn,
Gunnars Gunnarssonar á Michael Kohlhaas sem kom út í svartri og fallegri
heimsbókmenntaritröð Helgafells 1944.
Áhugasömum um Robert Walser skal bent á sérrit Bjarts og frú Emelíu,
annað tölublað 1995. Einnig er sjálfsagt að mæla með ritgerðinni „The
Genius of Robert Walser“ sem birtist í ritgerðarsafni J.M. Coetzees Inner
Workings. Literary Essays 2000–2005.