Tímarit Máls og menningar - 01.09.2015, Side 45

Þ v í m e i r a fa n n f e r g i þ v í m e i r a f j ö r
TMM 2015 · 3 45
Hvernig barn varstu: óþekk – stillt?
Á foreldrafundunum kom fram að ég væri ágæt í námi en að ég ætti að
tala minna í tímum. Ég var oft að hvíslast á við vinkonu mína, það var ekki
vel séð, en ef ég hafði eitthvað mikið að segja héldu mér engin bönd. Svo var
sagt að mér hætti til að kasta til höndum, að ég ætti að vanda mig meira. Ég
vann verkefni mín oft hratt. Mér fannst mér liggja á.
***
Ertu kvöldsvæf, næturhrafn?
Ég er óskaplega kvöldsvæf. Mér líður best á morgnana og vakna yfirleitt
bjartsýn og kát. Þá verður mér líka mest úr vinnu.
Hver er uppáhaldsmálsverðurinn þinn?
Nammi.
Hvert er uppáhaldsorðið þitt?
Mér finnst orðið hvítvoðungur skemmtilegt. Það ilmar svo vel.
Og hvaða orð er ekki í uppáhaldi hjá þér?
Öll orð eru ágæt.
Hvað gerir þig glaða?
Að vakna á morgnana.
Og hvað gerir þig dapra?
Febrúar.
Af hvernig hljóðum hrífstu?
Hljóðum sem gefa kurteislega til kynna að ég sé ekki alein í þessum heimi.
Hvaða hljóð þolirðu ekki?
Umferðardynur er þreytandi og veðurhljóð geta skotið mér skelk í bringu.
Hlustarðu á tónlist þegar þú skrifar?
Já, það geri ég. Fyrir tveimur árum tók ég þátt í pallborðsumræðum í
Kennedy Center í Washington D.C. og keypti mér þar geisladiskinn Night
Song með norska píanóleikaranum Ketil Bjørnstad  og sænska selló leik ar-
anum Svante Henryson. Þeir spila ákaflega dramatísk tónverk sem er gaman
að hlusta á. Hver ljóðabálkur sem ég hef ort á sér sína tónlist, stundum
eitthvert popplag en mér finnst norrænn vísnasöngur líka skemmtilegur,
t.d. með Svíunum Sofiu Karlsson og Fred Åkerström. Það sem kemur frá