Skessuhorn - 18.12.2019, Síða 44

MIÐVIKUDAGUR 18. DESEMBER 201944
Fréttaannáll ársins 2019 í máli og myndum
Hressar ungar konur
Vinnufélagarnir og vinkonurnar Erla Ágústsdóttir, Klara Ósk
Kristinsdóttir, Ester Alda Hrafnhildar Bragadóttir og Inga
Rósa Jónsdóttir starfa hjá Sigur-görðum sf. á Laufskálum
í Borgarfirði. Þær voru í sumar að vinna við hellulagningu
gangbrautar á móts við Menntaskólann í Borgarnesi. Þessar
öflugu stúlkur segja að verkefni þeirra fái mikla athygli, ekki
síst útlendinga sem aldrei segjast hafa séð stúlkur vinna slík
verk.
Fjölmenn Járngerðarhátíð
Járngerðarhátíð var haldin á Eiríksstöðum í Dölum um mán-
aðamótin ágúst og september. Eiríksstaðir, ásamt Hurstwic,
buðu gestum að koma á hátíðina þar sem þeim gafst tækifæri
til að kynnast lífi fólks á víkingaöld með því að sjá, snerta,
prófa og gera hluti á þann hátt sem fólk gerði fyrir þúsund
árum. Járn úr mýrarrauða var til dæmis búið til í fyrsta sinn í
þúsund ár á hátíðinni. Auk þess má nefna glerperlugerð, vatt-
arsaum og flatbrauðsbakstur en einnig fræðslu hjá Ásatrúar-
félaginu.
Ljósleiðaravæða sveitirnar
Lagning ljósleiðara um dreifbýli í Borgarbyggð hófst í haust,
en dreifbýlið er það eina á Vesturlandi sem eftir á að koma
ljósleiðara um. Búið er að ljúka ljósleiðaravæðingu allra þétt-
býliskjarna á landinu, en Mjófirðingar tengdust síðastir nú í
nóvember. Sökum landstærðar var Borgarbyggð skipt niður í
18 sjálfstæða áfanga í þessu verkefni. Hugsunin með áfanga-
skiptingu er margþætt og m.a. til þess að íbúar geti fylgst með
framkvæmdum, afmörkun hvers svæðis og ekki síst hvenær
þeir geta vænst þess að röðin komi að þeim. Upplýsingar um
áfangaskiptinguna, hvaða hlutverki hún gegnir og fleira henni
tengdri má finna á upplýsingasíðu verkefnisins, á vefslóðinni
ljósborg.net.
Hefur farið í 176 leitir
Í aðdraganda stærstu réttahelgarinnar á Vesturlandi hrepptu
margir bændur og smalar þeirra slæmt veður um miðjan sept-
ember. Allir skiluðu sér þó heim, en margir kaldir. Meðfylgj-
andi mynd er úr Þverárrétt í Borgarfirði. Jóhann Oddsson,
bóndi á Steinum í Stafholtstungum, var þá nýkominn úr leit á
Holtavörðuheiði. Þetta var jafnframt 60. haustið sem hann fer
í leitir, fór fyrst þegar hann var fjórtán ára. Öll árin, utan þess
fyrsta, hefur Jóhann farið í þrjár leitir að hausti. Hann hef-
ur því farið 176 sinnum í leitir sem jafnvel er talið heimsmet.
Hér stendur Jóhann við Steinadilkinn í Þverárrétt.
Erfiðleikar í fiskvinnslu
Fyrir lok september var starfsfólki fiskvinnslunnar Ísfisks
á Akranesi sagt upp störfum, samtals á fimmta tug manna.
Fyrirtækið hafði þá nýlega komið sér fyrir í fiskvinnsluhús-
næði við Bárugötu eftir flutning starfseminnar úr Kópavogi.
Nokkru síðar fékkst skilyrt lánsloforð frá Byggðastofnun, en
erfiðlega hefur gengið að uppfylla þau skilyrði. Starfsfólk fyr-
irtækisins hefur verið í afar þröngri stöðu eftir þetta, með-
al annars vegna þess að atvinnuleysisbætur fást ekki greiddar
meðan fyrirtækið hefur ekki verið úrskurðað gjaldþrota, eða
lausn finnst á fjárhagsvandræðum þess.
Datt í lukkupottinn
Það var ung kona á Vesturlandi sem fékk draumasímtalið
mánudaginn 14. október síðastliðinn þegar starfsmaður frá
Íslenskri getspá hringdi í hana og tilkynnti henni um vinning
sem hún hafði fengið á áskriftarmiðann sinn í EuroJackpot
lottóinu. „Ég er nú bara alveg steinhissa,“ voru hennar fyrstu
viðbrögð þegar henni var sagt að um væri að ræða vinning
upp á rúmar 124 milljónir króna. Konan og eiginmaður henn-
ar eru búin að vera með miðann í áskrift undanfarið, eina röð
sem kostar 300 krónur á viku. Þau eru að vonum alsæl með
vinninginn og það fjárhagslega öryggi sem hann veitir þeim
inn í framtíðina og þáðu þau fjármálaráðgjöf sem vinnings-
höfum sem vinna milljónavinninga stendur til boða.
Heitt vatn fannst í Ólafsdal
Í byrjun nóvember komu bormenn frá Ræktunarsambandi
Flóa og Skeiða niður á heitt vatn skammt fyrir neðan skóla-
húsið í Ólafsdal. Það er Minjavernd sem stendur að uppbygg-
ingu á staðnum og sagði Þorsteinn Bergsson framkvæmda-
stjóri að vatnsfundurinn hafi glatt sitt gamla hjarta. „Þetta
mun gjörbreyta öllum möguleikum til heilsársrekstrar í Ólafs-
dal en í það minnsta lengja rekstrarárið verulega,“ sagði Þor-
steinn í samtali við Skessuhorn. Vatnið sem fannst er 35 gráðu
heitt og skilar borholan um fimm sekúndulítrum.
Lýsuhólslaug endurgerð
Framkvæmdum við Lýsuhólslaug á Snæfellsnesi lauk í júní
eftir miklar endurbætur. Laugarsvæðið er hið glæsilegasta en
það var steypt upp í breyttri mynd. Þar eru áfram tveir heitir
pottar, en jafnframt var settur upp kaldur pottur.