Skessuhorn - 18.12.2019, Side 51

MIÐVIKUDAGUR 18. DESEMBER 2019 51
Kveðjur úr héraði
Jólakveðja úr Borgarfirði:
Fallegar minningar eru dýrmætar
Senn líður að jólum, tuskan komin
á loft og hugurinn færist nær jóla-
bakstrinum. Ég held í hefðir hvað
varðar jólaundirbúninginn en þó
töluvert léttari og öðruvísi en var á
Skallagrímsgötunni á mínum upp-
eldisárum, þá var allt þrifið hátt og
lágt og skreytt á Þorláksmessu undir
kveðjum Ríkisútvarpsins. Mamma á
heiður skilinn fyrir að komast í
gegnum þetta allt saman á einum
degi með sjö barna stóð hangandi
í pilsfaldinum, en systir hennar var
dugl g að hjálpa henni með þetta.
Frá því ég hóf búskap með mínum
manni og við eignuðumst börnin
höfum við alltaf klárað allan þenn-
an helsta jólaundirbúning eins og
jólahreingerningu og bakstur, dúk-
ar á borð og jólaskraut í glugga í
stofu og eldhúsi fyrir fyrsta í að-
ventu. Aðventan er svo tíminn til
að njóta þess sem búið er að baka,
taka á móti gestum í aðventukaffi
á sunnudögum með dúkuðu borði,
smákökum og heitu súkkulaði úr
fallegu rósóttu súkkulaðikönnunni
sem Guðrún á Þursstöðum átti, fara
á tónleika og hitta mann og annan.
Já aðventan er til að njóta.
Hugurinn reikar aftur til barn-
æsku þegar þessi tími gekk í garð.
Heildsalar komu í búðina til pabba
í Jónsbúð með fullar töskur af leik-
föngum, styttum og jólaskrauti sem
glitraði svo fallega og litirnir – mað-
ur minn! Tími var kominn til að
setja upp jólahillurnar, eina plássið
sem eftir var í búðinni var á miðju
gólfinu þar sem matvara var í hill-
um, hveiti, morgunkorn, brauð,
krydd og ýmislegt þess háttar. Í þess-
ar hillur voru settar jólakúlur, stór-
ar og skrautlegar með jólabarninu í
jötunni á framhlið kúlunnar og svo
voru þarna svo fallega bláar litl-
ar kúlur seldar tíu saman í knippi,
vikupeningurinn frá ömmu var ein-
mitt fyrir eins og einu knippi, tíu
krónur. Þessar kúlur voru svo settar
á greni sem hengt var upp um alla
veggi í herberginu. Svo voru engla-
hárin og skrautið sem maður dró í
sundur hengd í loftið, gluggana eða
utan um herbergis hurðina. Nóg var
til af skrauti í Jónsbúð. Svo var það
allt dótið sem mann langaði að eiga.
Pabbi varð að setja upp „útibú“ í
einu herbergi uppi í byggingu. Þar
var hann með málverk, silkirósir
og allskonar dót, byssur, púsluspil,
Barbie-dúkkur, bíla, stóra og smáa,
dúkkuvagna og svo má lengi telja.
Þarna skiptumst við systkinin á að
vera í afgreiðslunni. Það var mikið
af dóti sem seldist og ég var alltaf
svo hissa þegar einhver keypti silki-
rósirnar en þær fengu að gleðja ein-
hverja í jólapakka á þessum árum.
Á Þorláksmessukvöld þegar fór að
hægjast um í búðinni gekk mað-
ur hring eftir hring og sagði frekar
hátt hversu sumir hlutir væru falleg-
ir og mann langaði að eiga, það varð
að vera nógu hátt svo pabbi mundi
örugglega heyra það og mögulega
væru þessir tilteknu hlutir í jóla-
pakkanum.
Aðfangadagur er runninn upp og
við systkinin fáum að skreyta fal-
legt lifandi jólatré sem pabbi var
búinn að kaupa, allar kúlurnar sem
voru til og englahárin, svo voru fal-
leg ljós sett á tréð og toppur með
ennþá meira fíneríi fékk að skarta
efst á trénu, pakkarnir fóru undir
tréð þegar búið var að borða kvöld-
matinn. Eftir jólatrésskreytinguna
fórum við í bað hvert af öðru og
við yngstu systkinin gátum farið
tvö saman, svo áttum við stelpurn-
ar að leggja okkur á teppalagt rúm-
ið en strákarnir að ná í gosflöskur
og ávexti niður í búð fyrir kvöldið.
Það var bara ómögulegt að sofna,
spennan var svo mikil. Dagurinn
var heila eilífð að líða en það kom
að því að mamma var búin að hafa
til og strauja kjólana, skyrturnar og
sokkabuxurnar, skórnir pússaðir og
allt klárt. Við vorum komin í okkar
fínasta púss, mamma búin að setja
tíkaspena í okkur systurnar og við
sest inn í stofu áður en klukkurn-
ar klingdu í útvarpinu. Núna voru
jólin komin og ilmur af dásamleg-
um rjúpum lék um vit okkar. Borð-
haldið gekk fljótt yfir og allir dug-
legir að klára sín verk, strákarn-
ir settu pakkana undir jólatréð og
við stelpurnar hjálpuðum mömmu
með uppvaskið. Þá gat sprengingin
hafist. Pakkaflóðið var svo mikið
og hamagangurinn, allir pakkarnir
búnir og krakkarnir farnir að leika
sér með dótið sem var svo mikið og
viti menn, jú það var þarna, dótið
sem talað var sem hæst um kvöld-
ið áður svo eyru pabba heyrðu. All-
ir fóru svo uppgefnir í háttinn eftir
langan aðfangadag.
Mín ósk er að njóta aðventunn-
ar og óska lesendum Skessuhorns
þess sama. Fallegar minningar eru
dýrmætar. Ég óska ykkur gleðiríkra
jóla.
Aðventukveðja,
Jóhanna Erla Jónsdóttir
Ljósmynd af systkinahópi Jóhönnu Erlu þegar hún var lítil.Jóhanna Erla Jónsdóttir
Gleðileg jól
og farsælt komandi ár.
Við sendum okkar bestu óskir
um gleðilega jólahátíð og
þökkum árið sem er að líða.
Þjóðbraut 1 - Akranesi - sími 431 3333
GLEÐJUM MEÐ GÆÐUM
SK
ES
SU
H
O
R
N
2
01
6
Þjóðbraut 1 - Akranesi - sími 431 3333
GLEÐJUM MEÐ GÆÐUM
SK
ES
SU
H
O
R
N
2
01
6
Þjóðbraut 1 - Akranesi - sími 431 3333
GLEÐJUM MEÐ GÆÐUM
SK
ES
SU
H
O
R
N
2
01
6
SPEEDTSBERG
ROSENDAHL
KJÖTHITAMÆLIR
GLERUPS
KAY BOJESEN