Studia Islandica - 01.06.1975, Síða 42
40
sem 1300, en nákvæmlega verður sagan ekki tímasett. Hún
er nú aðeins til í eitthvað breyttri mynd.1 Almennt eru
rímumar taldar minna breyttar að efni en sagan, og
má það vera, en mér koma þær svo fyrir sjónir, að efnið
sé þar eittbvað stytt. Stíl sögunnar hefur, að því er ætla
má, verið breytt á köflum, eftir orðfæri riddarasagna, en
aðrir kaflar hafa látlaust orðfæri. 1 sömu lotunni og þetta
gerðist, virðist efni hafa verið skotið inn, en líka á sumum
stöðum breytt, þó að erfitt sé að festa hendur á því. Um
Hjálmþérsrimnr er það að segja, að þær eru taldar frá þvi
um 1400, en nákvæmlega verðnr aldur þeirra naumlega
ákveðinn.
Þá er þess að geta, að í Hjálmþérssögu eru hér og þar
vísur. Bragar vegna er liklegast, að þær séu nokkuð úr lagi
færðar, en varla hafa þær þó í öndverðu verið mikill skáld-
skapur.
Á einum stað í þeim standa þessi orð:
„Hörðm mælti
inn hyggjustóri.“
Á öðrum stað:
„Hervör ek heiti
Hundingj adóttir.
Minn föður röskvan
ef þú réðir líta,
líf þitt án dvöl
þá láta mundir,
ef þú gengir
gegn öðlingi.“
1 Hjálmþérssaga er prentuð eftir handritum í Fomaldarsögum
Norðurlanda, útg. af C. C. Rafn, III, 1830, hls. 452-518. — Rímumar
em gefnar út af Finni Jónssyni í Rimnasafni II, bls. 1-84, en um þær
hefur Björn K. Þórólfsson skrifað í „Rimum fyrir 1600“, bls. 323-27.