Studia Islandica - 01.06.1975, Page 69
67
fann húðkeip, sem ekki þurfti að róa, heldur rann hann
áfram af vindi og sjó, allt þar til hún kom að Ben Edair
meic Etgeith. Síðan er lýst búnaði hennar skrautlegum,
svo og yfirlitmn: Hún hafði slétt, gult hár og grá augu,
og á alla lund var hún fagursköpuð, svo sem nánar er
frá sagt í textanum. Eitt var að henni: konan verðskuldaði
ekki að vera gift yfirkonungi frlands, þar sem hún hafði
verið gerð útlæg fyrir misgerð sína.
6. Þegar til frlands kom, hitti hún Conn á Ben Edair,
hryggan og harmandi dána drottningu sína. Konan sá, að
hann var yfirkonungur írlands; dró hún þá skinnbát sinn
á land og settist hjá honum. Conn spurði hana tíðinda.
Hún sagði, að hún væri komin frá Undralandinu i
leit að Art, sem hún ynni fjarvistarást fyrir sakir frá-
sagna um hann. Hún kvaðst vera Delbchaem dóttir Morg-
ans.1 „Ekki vildi ég komast upp á milli þin og þess, sem
þú hefur kosið þér,“ segir Conn, „þó að ég eigi enga konu.“
„Ilvers vegna átt þú enga konu?“ sagði hún. „Kona min
andaðist,“ svaraði hann. „Hvað er þá til ráða,“ sagði hún;
„á ég að ganga að eiga Art eða þig?“ „Veldu sjálf,“ sagði
hann. „Það kýs ég,“ sagði hún, „fyrst þú velur mig ekki:
veittu mér þá kost á að velja mér mann inn allt frland.“
„Ég sé enga þá galla á þér, sem veitt geti rétt til að tálma
þessu, nema leyndir séu.“
7. Síðan bað konan að mega sjálf útkljá málið og var það
veitt henni. Gerðu þau þá með sér festu, og hét hann þá að
fara að vilja hennar. Hún kvað upp þann dóm, að Art
skyldi ekki koma til Tara fyrr en að ári liðnu. En kon-
ungi var þungt í skapi, af því að hann gerði son sinn
1 Þetta nafn er alltaf prentað Morgan í enska textanum hjá Best,
nema hvað þrivegis stendur þar Mongan. 1 írska textanum hjá honum
stendur á einum stað ‘Mongain* (eignarf.) 1661, á öðrum ‘Mo[n]gain‘
166:i4 og á þriðja staðnum ‘Mongain* 16813. Einstætt er að halda hér
alstaðar myndinni „Morgan“, hvemig sem saga textans kann að hafa
verið. — Þegar Bécuma læzt vera Delbchaem Morgansdóttir, verður
það að skoðast sem ósannindi hennar eða þá brenglun texans.