Studia Islandica - 01.06.1975, Side 115

113
af Art byrjar á tafli og geis, og úr því að af því sprettur
langferð, er eðlilegt að leita hliðstæðna milh íslenzku og
írsku heimildanna síðar í sögunrd. Verða menn nú að
virða þessa tilraun eins og þeim sýnist. Það torveldar sam-
anbm-ðinn víða, að sumstaðar gætir aðkomuefnis, svo sem
í Fjölsvinnsmálum og sennilega í síðasta kafla Ævintýris-
ins af Art.
Óskandi er, að írskir sérfræðingar eigi eftir að grafa
upp enn aðrar keltneskar heimildir, sem líkist efni Gró-
galdurs og Fjölsvinnsmála og varpað geti nýju ljósi yfir
þetta mál. Annars er líking Ævintýris Arts og þessara
kvæða víða vel við unandi.
Það er augljóst hverjum þeim, sem les þessa ritgerð (og
er sama að segja um Herra Valvin og Karlinn grá), að
hér er mest kapp lagt á athugun hinna eldri heimilda.
Þarf það ekki skýringar við. Hitt er svo annað mál, að
ég hefði kosið að geta fengizt meira við hinar yngri en
gert er. En það verk hlýtur að bíða annara.
Höfundi þessarar ritsmíðar koma nú, að henni lokinni,
í huga orð Jónasar, að mönnunum munar annaðhvort aftur
á bak ellegar nokkuð á leið. Ég vona að þessi ritgerð færi
vitneskju vora um þessi efni nokkuð á leið. Er slík von
rannsakandanum nægilegt famesti áfram. Og vonin um
fundvísi annara hressir huga hans.
8