Studia Islandica - 01.06.1975, Page 130
128
honum margir jötnar. Hann kúgaði kónga til að gjalda sér
í skatt skegg þeirra, en það hafði hann til kápuefnis sér.
Hann sendi mann til Bretlands að heimta þeiman skatt af
Artúsi; hann tók þvi fjarri. Nú stefnir Artús þing og leitar
ráðs við menn sína og spjr, hver vilji ganga á hólm við
Ríkon. En til þess var þó enginn búinn.
xvii. Þá rís Sveinn upp og býðst til að berjast við Ríkon.
Þá fer Artús með her í Spaníá (sic), en Ríkon hafði i kast-
alanum margt jötna. Hann hleypur út og skorar á kóng til
bardaga eða einhvern manna hans. Sveinn fer til með vopn
sín og herklæði, en Ríkon hefur járnstöng með fleini fram
úr og þrem krókum. Skiptum þeirra lýkur svo, að Sveiim
drepur risann. Eftir þetta lagði Artús undir sig alla Gallíam.
Þeir Sveinn og Kórant halda nú á brott; sezt Kórant að
ríki í Indíá með konu sinni, en Sveinn heldur áfram ferð
sinni til Miklagarðs og gengur að eiga Sólentar konuefni
sitt; hlaut hann þá kóngsnafn og ríki með Sergíusi. Andað-
ist Sergíus litlu síðar, og tók Sveinn þá við völdum.
III. HLIÐSTÆÐAR FRÁSAGNIR
Hverjum manni, sem alið hefur aldur sinn í þessum hluta
heims, mun óðara vera alveg ljóst, að ekki er nokkur vafi á
skyldleika þessarar undarlegu frásagnar og hins fræga mið-
enska kvæðis: “Sir Gawain and the Green Knight”. En auk
þess mun mörgum vera kunnugt, að aðalminni íslenzku
rimnanna koma lika fyrir í mörgum fomfrönskum og nokkr-
um þýzkum miðaldakvæðum, sem raunar munu óefað runn-
in frá hinum frönsku.1
En þar með er ekki allt upp talið. Tvö tilbrigði, þar sem
1 Sjá Kittredge: A Study of Sir Gawain and the Green Knight, 1916
(í tilvitnunum hér á eftir: Kittredge), bls. 298, 299. Þýzku heimildanna
verður ekki getið meira hér á eftir.