Studia Islandica - 01.06.1975, Page 157
155
tóku í hvora hlið,
héldu í bol.
Svam ég um haf,
unz til hafnar kom.1
Það virðist vera nokkuð algeng skoðun meðal vísinda-
manna, sem þekkingu hafa á Artúrskvæðum, að frásögnin
um Esealt muni vera runnin frá þessari sögu um Kúhulin.
Hversu sem þessi þáttur úr ævi Kúhulíns hefur upphaflega
verið, er ekki annað sýnna en einhverjir miðaldahöfundar
á írlandi hafi ruglað hér inn í einu og öðru úr ferð Kúhulins
til Skotlands, þegar hetjur tJlaðstírs reyndu að komast yfir
kýr,2 en kvæðið um afrek Kúhulíns, sem minnzt var á hér
á undan, kennir landið við „Scáth“ (það merkir myrkur),
og telja margir, að konan hafi verið hin sama sem Bláthnat.3
Enn má nefna smáatriði, sem líkjast þessari sögn af sundi
Kúhulíns lítillega, en það er í sögu af Tryggva karlssyni,
sem einnig er nefnd „sagan af kóngshömunum Sigurði og
Signýju“. Hún er ennþá óútgefin, en ég fer eftir handriti
í eigu „Árnasafns á íslandi“, og mun hún senn gefin út.
Þar segir, að Tryggvi karlsson þreif Sigurð kóngsson, þegar
skip þeirra fórst, og synti síðan með hann á bakinu nokkr-
ar stundir, unz þeir komu að strönd lands þess, sem
Galdrakóngur réð fyrir, en hann hafði um sama leyti num-
ið á brott með töfrum Signýju kóngsdóttur. — 1 annað
skipti tekur Tryggvi karlsson kóngsbörnin bæði undir stakk
sinn og syndir með þau langalengi. — Þó að sund væri
ekki algengt á Islandi á þeim tíma, sem ætla má, að sagan
sé skrifuð, þelcktu menn sund og höfðu alveg raunsæislegar
1 Snúið á íslenzku eftir enskri þýðingu hjá Eleanor Hull: The
Cúchulainn Saga, bls. 285—6, hér tekið eftir R.S. Loomis: Celtic
Myth, bls. 327.
2 Sjá hér að framan, bls. 139—40.
3 Thumeysen, bls. 569—70, 436 o.áfr., 429—31.