Studia Islandica - 01.06.1975, Qupperneq 158

156
hugmyndir um það. Því eru ýkjur ekki úr hófi miklar i
þessari frásögn.1
Brottnámssögnin um CúRoi og Bláthnat var upphaflega
prýdd fjöreggsminni og kastala sem snerist. 1 rímunum var
fjöregginu haldið, en turn, sem svignar, kemur í stað tums
sem snýst. En þegar hlómi hirðlegrar kurteisi, Guenevere
drottning, tekur við hlutverki Bláthnatar, hverfur Dahlu-
svipur af brottnumdu konunni, og hin breytilega og marg-
lynda drottning verður að þolanda. Þannig er líka háttað
um Sólentar kóngsdóttur í rímunum.
Ekki þætti mér ólíklegt, að gera mætti ráð fynr ein-
hverjum áhrifum frá Artúrssögnum í frásögn rímnanna á
þessum stað, en líkingaratriðin mættu skýrari vera. Og
torvelt er að greina sundur fomar sagnir, sem blandaðar
em smíðum ímyndunaraflsins frá raunvemleika miðalda.
Vera má, að nánari rannsókn leysti úr þessum gátmn — eður
eigi.
IX. ÁLAGAKONAN
Hér á undan mátti sjá, að meginefni þess kafla rímn-
anna, sem hefst, þegar Karlinn grái kemur að heimta höfuð
Sveins múkssonar, er írskt að uppmna (einkum „Aided
ConRoi I“), en þó virðist sú sögn vera í nokkrum fjarska,
en það hlaut raunar að verða, þegar sagan slitnaði upp úr
jarðvegi írsks þjóðlifs, átrúnaðar og staðhátta. Þó varð-
veittist meginrótin, brottnám konu, svo og í rímunum fjör-
eggið, tuminn og kýmar, þó þannig, að í stað kúnna kom
hestur, og hefur það væntanlega gerzt utan Irlands. Smá-
atriði í landslagi kunna að bera vitni áhrifa Artúrssagna.
1 Sagan er varðveitt í nokkrum handritum, en þau virðast ekki
bera með sér meiri aldur en 17. öldina, eða um 1700. Nokkur minni
hennar eru nefnd hjá O. L. Jiriczek, Zur islandischen Volkskunde,
Zeitschrift fiir deutsches Altertum 1894, og hjá Margaret Schlauch:
Romance in Iceland, sjá registur þeirrar bókar, s.v. Saga Sigurðar og
Signýjar.