Þjóðmál - 01.09.2015, Blaðsíða 37

ÞJÓÐMÁL hausthefti 2015 35
I.
Endurtekur sagan sig?
Margir segja að sagan endurtaki sig stöðugt.
Það er ekki alls kostar rétt ef sagan er skoðuð.
Sagan endurtekur sig aldrei með nákvæmlega
sama hætti. Samt sem áður eru ákveðin atriði
sem við getum lært af, einkum hvað varðar
hnignun heimsvelda og menningu fortíðar.
Rómverjar voru voldugusta og öflugasta
heimsveldið í margar aldir. Þeir tóku það besta
úr grískri menningu og gerðu það að sinni og
bættu við nýju verklagi, stjórnun og menningu
einkum á sviði lögfræði og verkfræði. Þegar
fram liðu stundir voru Rómverjar svo uppteknir
við brauð og leiki og bardaga á Colosseum auk
siðferðilegrar hnignunar að þeir gátu hvorki
varið landamæri sín né menningu fyrir innrásar-
liði skrælingja. Afleiðingin af því voru hinar
myrku aldir þar sem menningu og siðfágun
var úthýst og ófriður og öryggisleysi tók við af
hinum svonefnda rómverska friði. Þau gildi sem
voru mikilvægust í Róm og gerðu Rómverja að
voldugasta heimsveldi sem nokkru sinni hefur
verið til glötuðust um aldir.
Í dag er Evrópa upptekin við brauð og leiki.
Siðferðileg hnignun sýnir sig í auknum mæli
bæði í einkalífi og viðskiptum m.a. vegna
aukinnar ríkishyggju og áherslu á ábyrgðar-
leysi einstaklingsins á eigin velferð. Ríkistrúin
hefur í auknum mæli tekið við af kristinni trú og
kristnum gildum. Nýjasta tegund iPhone vekur
meiri eftirtekt fólks og fjölmiðla en villimannlegar
aftökur og þrælkun þúsunda kristins fólks og
annarra sem leyfa sér að hafa aðra skoðun en villi-
mennirnir sem leggja þorp þeirra og menningu
undir sig í næsta nágrenni við Evrópu. Ríkjum
sem áður tilheyrðu hinu forna Rómarveldi.
Evrópa getur ekki lengur varið landamæri sín
og því fyrr sem við gerum okkur grein fyrir að
við eigum í stríði við að varðveita menningu
okkar siði og mannréttindi þeim mun líklegra
er að við komumst hjá þeim örlögum sem
Rómaveldi þurfti að sæta.
Jón Magnússon
Evrópa, Ísland og innflytjendur