Þjóðmál - 01.09.2015, Blaðsíða 48

46 ÞJÓÐMÁL hausthefti 2015
„Á meðan ég dvaldist á Nýja-Sjálandi
kynntist ég ágætum sósíalistum og ræddi
mikið um pólitík á því ári, bæði innanlands-
pólitík og stjórnmál almennt.“
Fólkið, sem hann bjó hjá á Nýja-Sjálandi, var
úr Verkamannaflokknum þar í landi, en þarna
kynntist hann líka skiptinemum frá ýmsum
löndum þriðja heimsins og hafði það mikil áhrif
á hann.
Steingrímur var áhugasamur um náttúru-
vísindi og velti því fyrir sér að læra verkfræði,
jarðfræði eða búvísindi í Bandaríkjunum eða
annars staðar erlendis. Jarðfræðin varð fyrir
valinu og lauk hann BS-prófi í þeirri grein frá
Háskóla Íslands árið 1981. Hann var orðinn
„harður vinstri maður“ þegar hann kom í
Háskólann, gekk í Samtök herstöðvarandstæð-
inga og starfaði með róttækum stúdentum.
Kallið kemur
Steingrímur var aðeins 22 ára á fyrsta ári í
Háskólanum þegar Stefán Jónsson, alþingis-
maður Alþýðubandalagsins í Norðurlands-
kjördæmi eystra, hringdi til hans og kvaðst
þurfa að eiga við hann orð. Hann gekk til fundar
við Stefán, en erindið var að bjóða Steingrími
fjórða sæti á lista flokksins í kjördæminu fyrir
komandi alþingiskosningar. Grípum niður í
frásögn Steingríms:
„Ég var auðvitað hissa því þótt ég væri
fylgismaður Alþýðubandalagsins var ég ekki
í flokknum. Ég lá á þessu í einn eða tvo daga
og sagði svo að ef menn teldu gagn að þá
myndi ég slá til og gekk svo í framhaldinu í
flokkinn.“
Steingrímur skipaði fjórða sætið á lista
Alþýðubandalagsins í Norðurlandskjördæmi
eystra árið 1978, en aftur var kosið árið eftir og
var hann þá í sama sæti, en tók sér í það sinn frí
frá skóla til að sinna kosningaslagnum. Um það
fórust honum svo orð:
„Mér var þessi kosningabarátta alltaf minnis-
stæð og hugleikin, sérstaklega ánægjulegt
samstarf við Stefán Jónsson sem ég kynntist
mjög vel í þessari kosningabaráttu. Þær
minningar eru ógleymanlegar.“
Stefán hafði áður verið landsfrægur útvarps-
maður og son hans, Kára í Íslenskri erfðagrein-
ingu, þekkir hvert mannsbarn í samtímanum.
Steingrímur gegndi hlutastarfi sem jarð-
fræðingur á Hafrannsóknarstofnun að loknu
BS-prófi í jarðfræði, en ekki leið að löngu þar til
hann var valinn úr hópi tuttugu umsækjenda
um stöðu íþróttafréttamanns á ríkissjónvarpinu
1982. Sjálfur hafði Steingrímur stundað íþróttir
lengi og æfði meðal annars blak með
Íþróttafélagi stúdenta. Þjálfari þess var Ígor
Leonídovítsj Níkíforov, en hann var yfirmaður
KGB, leyniþjónustu Sovétríkjanna, hér á landi
um þær mundir. Níkíforov varð síðar háttsettur
í stjórnkerfinu þar eystra og var í fylgdarliði
Míkhaíls Gorbatsjovs, leiðtoga Sovétríkjanna, á
fundi þeirra Ronalds Reagans Bandaríkjaforseta
í Höfða 1986.
Samhliða störfum á ríkissjónvarpinu var
Steingrímur kominn í framhaldsnám í jarðfræði,
en árið 1983 dró til tíðinda er hann var valinn til
að skipa efsta sæti á lista flokks síns í Norður-
landskjördæmi eystra. Þá varð hann að hætta
starfi sínu hjá sjónvarpinu og náði kjöri á þing,
en var stjórnarandstöðuþingmaður sitt fyrsta
kjörtímabil og fram á það næsta. Steingrímur
fór því beint úr sjónvarpinu og inn á þing, eins
og svo mörg dæmi eru um og aldrei lauk hann
framhaldsnámi.
Nýkominn á þing sagði Steingrímur í
blaðaviðtali við Hallgrím Thorsteinsson á
Helgarpóstinum:
„Mér finnst þingmenn vera fljótir að verða
gamlir og þreyttir. Þeir eldast illa. Þetta er ég
mest smeykur við, og ég vona, að þing-
mennskan breyti mér ekki á þennan hátt.“
Hann sagði að stemma þyrfti stigu við
„gróðahyggju“ og setja „mannleg sjónarmið“ í
öndvegi og bætti við:
„Mér finnst verið að boða komu nýs Guðs
og að Mammoni sé nú sungið meira lof og
meiri dýrð en hér hefur áður þekkst.“
Segja má að nýir vindar hafi blásið um þing-
sali er Steingrímur stormaði þar inn, en hann
amaðist meðal annars við því að þurfa að vera í
jakkafötum og með bindi á þingfundum. Ingvar
Nýkominn á þing sagði Steingrímur í
blaðaviðtali við Hallgrím Thorsteinsson á
Helgarpóstinum: „Mér finnst þingmenn
vera fljótir að verða gamlir og þreyttir.
Þeir eldast illa. Þetta er ég mest smeykur
við, og ég vona, að þingmennskan breyti
mér ekki á þennan hátt.“