Þjóðmál - 01.12.2015, Qupperneq 38

ÞJÓÐMÁL vetrarhefti 2015 37
Í því felst að ekki verði vikið frá kröfum um
virkt umhverfismat á öllum stigum,
byggðu á bestu fáanlegu faglegri þekkingu
og tækni. Einnig að leitað verði sátta á
sem breiðustum grundvelli og að tekið
verði tillit til athugasemda frá almenningi,
fagfólki og hagsmunaaðilum eftir að
tillögur verkefnastjórnar liggja fyrir.
Þetta er nýlunda í ályktunum flokksins og
lofar góðu að tekið skuli tillit til athugasemda
frá almenningi og hagsmunaaðilum. Við,
almenningur, erum mikilvægustu hagsmuna-
aðilarnir og tilfinning okkar á það stundum til
að bera skynsemina ofurliði, eins og nefnt var
í upphafi þessarar greinar. Þess má þó geta
að tilfinning er afar öflugur hluti greindar
hvers manns og hana skal því ekki vanmeta.
Og því má aftur spyrja á svipaðan hátt og hér
á undan, hvort hnignandi fylgi Sjálfstæðis-
flokksins í skoðanakönnunum tengist á
einhvern hátt því að flokkurinn hlusti ekki
lengur eftir tilfinnum fólks? Eitt vitum við þó
og það er að ekki gengur alltaf að líta á málin
með gagnaugunum.
Sú hugmynd er einstaklega falleg að
við höfum landið að láni, það sé í eigu
afkomenda okkar. Jafnframt að við eigum
að standa þannig að málum að okkur sé
sómi að arfleifðinni, jafnt landinu sem
þjóðfélagsgerðinni. Hér er áreiðanlega
auðveldara um að tala en framkvæma en þar
tekur þar pólitíkin við. Þá skiptir máli að hinir
bestu menn taki ákvarðanir eins og sagt var
til forna. Höfum við slíka á Alþingi Íslendinga
eða í sveitarstjórnum?
Enn þann dag í dag kemur fyrir að bjartur
og fagur dagur rís á Þingvöllum og nætur-
döggin leysist upp fyrir hlýjum geislum
morgunsólarinnar. Fuglasöngur ómar í kjarri
og lofti. Slíkir morgnar á Íslandi eru sem
töfrum líkastir. Þá væri nú jafnframt algott að
ríkisstjórnir sé lýðræðislegar og hafi skilning
á þörfum þjóðarinnar, ekki aðeins þeim efna-
hagslegu heldur einnig þeim tilfinningalegu.
Það er nefnilega þannig með þjóðina,
hversu bágt sem sumir láta, að hún er nú
einu sinni mótuð af arfinum; sögunni,
ævintýrunum, þjóðsögunum … og gleymum
því ekki að hún nýtur sín við útiveru og
ferðalög hér innanlands. Þess vegna væri það
afar gott að barnabörnin okkar eigi þess kost
að njóta þess lands sem forfeðurnir höfðu að
láni frá okkur.
Sigurður Sigurðarson er ráðgjafi
og höfundur bóka og fjölda blaðagreina
um náttúruvernd og útivist.