Þjóðmál - 01.12.2015, Page 41

40 ÞJÓÐMÁL vetrarhefti 2015
Sergej Magnítskí, vinar höfundarins. Hann
var tekinn höndum, bornar á hann sakir og
að lokum lést hann af völdum skelfilegra
pyntinga í rússnesku fangelsi aðeins 37 ára
gamall. Reyfarakenndar eru svo lýsingarnar af
sviptingum í fjármálalífinu, hvernig útvaldir
fengu að sölsa undir sig eignir ríkisins eða
annarra einstaklinga. Ekki síður þegar Brow-
der og samverkamenn hans unnu að því að
koma eignum sínum í Rússlandi í var og losa
sig þannig undan ægivaldinu.
Að ná fram réttlæti
Af lestri bókarinnar má ráða að Browder hafi
helgað líf sitt síðustu árin því að ná fram
einhvers konar réttlæti vegna þeirra misgjörða
sem vinur hans Sergei Magnítskíj mátti þola
og í rauninni að sjá til þess að þeir sem ábyrgð
bera á óhæfuverkunum sem hann lýsir í
bókinni fengju einhvers konar málagjöld.
Fróðlegt er að lesa af samskiptum hans við
stjórnkerfið í Bandaríkjunum og stjórnmála-
menn þar í landi. Árangurinn af þrautseigju
hans er löggjöf sem kennd er við vin hans,
Magnítskíj - löggjöfin - og beinist gegn þeim
sem unnu óhæfuverkin í Rússlandi.
Bókin Eftirlýstur eftir Bill Browder er hluti af
baráttu höfundar og hefur orðið metsölubók,
þýdd á mörg tungumál og komið víða út.
Þessi bók verðskuldar mikla athygli. Hún
er mjög spennandi aflestrar og bregður
upp um leið skelfilegri mynd af einu áhrifa-
ríkasta samfélagi heims. Spurningar vakna
óhjákvæmilega um sannleiksgildi frásagnanna
og réttmæti þeirrar sýnar sem Browder hefur
á rússnesku samfélagi. Hér verður ekki lagt
mat á það, enda hefur skrifari þessara orða
engar forsendur til þess að gera það með
áreiðanlegum hætti. En eins og bækur af
þessu tagi vekur hún upp áleitnar spurningar
sem ætíð munu koma upp í hugann um
stjórnarhættina austur á Volgubökkum.
Einar K. Guðfinnsson er foseti Alþingis.
Fyrsti formaður Samfylkingarinnar:
Eins og unglingur
sem er fastur á
gelgjunni
Margrét Frímannsdóttir,
fyrsti formaður Sam-
fylkingarinnar, hefur
ákveðnar skoðanir á
stöðu síns gamla flokks.
Í forsíðuviðtali við DV í
byrjun desember segir
Margrét, dapurlegt að horfa á stöðuna:
„Ég hef í sjálfu sér fátt annað um Sam-
fylkinguna að segja en að hún er ekki á
góðum stað. Flokkurinn er eins unglingur
sem er fastur á gelgjunni. Fer ekkert áfram.
Það er mjög nauðsynlegt að Samfylkingin
taki sig saman í andlitinu og fari að ákveða
hvert hún stefnir, því í dag þá sér maður
það ekki. Það er eitthvað að og skilaboðin
komast ekki út til fólksins. Þessi flokkur er
of verðmætur til að vera í þessari stöðu.”
Margrét virðist ekki hafa mikla trú á Árna
Páli Árnasyni, sitjandi formanni Samfylk-
ingarinar. Hún telur að formaðurinn verði að
íhuga stöðu sína vel og sendir honum svo
skilaboð og gefur honum ráðleggingu:
„Maður hangir ekki eins og hundur á roði á
einhverju sem sem maður ræður ekki við.”