Þjóðmál - 01.12.2015, Side 73

72 ÞJÓÐMÁL vetrarhefti 2015
Um rekstur Hörpu var
aðeins fjallað í Kastljósi
Ríkisúrvarpsins þann
2. september sl. Brynja
Þorgeirsdóttir flutti þar
inngang að umfjöll-
uninni og segir frá
því að á aðeins fjórum
árum hafa tapast
1.900 milljónir í rekstri
hússins. Þrátt fyrir það
kaus hún að tala um
að rekstur Hörpu sé nú „í
járnum”. En um það orðasam-
band segir málfarsbankinn:
„Orðasambandið standa/
vera í járnum merkir: vega
salt, vera jafnt (svo að
tvísýnt er um úrslit), vera
svipað.”
Þannig virðist sá skilningur
vera réttur á „í járnum” að
litlu megi muni á hvern veg
fari. En rekstur Hörpu er
þá engan veginn í járnum
því þrátt fyrir auknar tekjur
og aukinn fjölda gesta fer
rekstrarkostnaðurinn líka
hækkandi.
Samkvæmt upplýsingum
Kastljóss námu rekstrar-
tekjurnar 941 milljón árið
2014, en útgjöldin voru
gott betur hærri, eða 1.490
milljónir, eða halli upp á 549
milljónir króna. Þessi halli
tekur ekki einu sinni tillit til
árlegrar afborgunar lána sem
tekin voru til að klára húsið
en þar er um að ræða u.þ.b.
1.000 milljónir króna árlega
til ársins 2046! Hið eiginlega
tap árið 2014 er því 1.549
milljónir króna ef miðað er
við orð stjórnarformanns
hússins árið 2010, en hann
fullyrti að húsið yrði ekki
baggi á skattgreiðendum og
myndu standa undir rekstrar-
kostnaði sem og afborgunum
af lánum. En kannski telja
rekstraraðilar hússins árlegt
framlag ríkis og Reykjavíkur-
borgar sem tekjur!
Halldór Guðmundsson,
forstjóri Hörpu, tekur undir
það sjónarmið fyrrum
stjórnarformanns hússins að
húsið skuli og eigi að standa
undir rekstrarkostnaði og að
sjálfsagt sé að gera þá kröfu.
Hins vegar sé það engan
veginn eðlilegt að húsið
greiði þá fasteignaskatta sem
á það hefur verið lagt, né
heldur ræðir hann afborganir
af lánunum. En skattgreið-
endur eiga að reikna sér til
tekna einhverjar ímyndaðar
5.000 milljónir króna í gjald-
eyrisöflun sem beinlínis megi
eigna tilvist hússins. Rétt
eins og einhver geti fullyrt
að þessar tekjur, eða gjald-
eyrir, hefði ekki komið til án
hússins. Hvergi er rætt
um hversu neikvæðar
afleiðingar Harpan
kann að hafa haft á aðra
valkosti fyrir ráðstefnur
og tónleikahald.
Annars er þess
sérstaklega getið að
árið 2014 hafi alls
1.500.000 manns komið
í Hörpu. Ekki bera að
draga þá tölu í efa. En er
þá ekki einfalt mál að krefja
hvern gest um aðeins 500
krónur í viðbót fyrir heim-
sóknina í þetta stórkostlega
verðlaunahús? Er það ekki
endanlegur mælikvarði á
hversu mikils virði húsið er
hvað gestir þess eru tilbúnir
til að borga? Þessi lítilsháttar
hækkun myndi auka tekjur
hússins um 750 milljónir
króna á ári – hallareksturinn
hyrfi og húsið gæti farið að
létta undir með skattgreið-
endum í hluta afborgunar
lána.
Hver verðleggur húsið svo
langt undir rekstrarkostnaði?
Er ekki eðlilegt að þeir borgi
sem njóta? Hvers vegna eru
tónleikar með Bryan Ferry og
hljómsveit ódýrari í Hörpu en
í einu markasta tónlistarhúsi
Evrópu, Royal Albert Hall? Er
ekki þörf á nýjum rekstraraðila
að húsinu?
Pistill á heimasíðu
Samtaka skattgreiðenda:
skattgreidendur.is
Harpa tapað 1.900 milljónum frá opnun
peningarnir okkar