Þjóðmál - 01.12.2015, Qupperneq 80

ÞJÓÐMÁL vetrarhefti 2015 79
Bankahrunið árið 2008 ætlar að verða
mörgum tilefni til bókarskrifa. Hér hyggst
ég skoða stuttlega tvö rit, sem bæði komu
út árið 2014. Ingi Freyr Vilhjálmsson heim-
spekingur skrifaði annað, sem er 288 blað-
síður og heitir Hamskiptin: Þegar allt varð
falt á Íslandi, en Veröld gaf það út. Ólafur
Arnarson hagfræðingur skrifaði hitt, sem er
183 blaðsíður og heitir Skuggi sólkonungs.
Er Davíð Oddsson dýrasti maður lýðveldisins?
en höfundur gaf það út sjálfur. Því miður eru
báðar þessar bækur stórgallaðar, en hætt við,
að ýmsar missagnir úr þeim fari á kreik, ef
þær eru ekki leiðréttar.
Gölluð aldarfarslýsing Inga Freys
Í bókinni Hamskiptunum einbeitir Ingi Freyr
Vilhjálmsson sér að tímabilinu frá sölu
tveggja af þremur ríkisbönkum í árslok 2002
(hinn þriðji hafði þegar verið seldur 1990)
og fram að bankahruni haustið 2008. Telur
höfundur, að þjóðin geti kennt sjálfri sér um
bankahrunið (sem hann kallar jafnan hrunið).
Hún hafi kosið yfir sig tvo flokka, Sjálfstæðis-
flokk og Framsóknarflokk, sem gert hafi
ágirndina að leiðarstjörnu. Stjórn þessara
flokka hafi selt Landsbankann og Búnaðar-
bankann fjárglæframönnum, sem ekki hafi
kunnað með þá að fara, heldur safnað óhóf-
legum skuldum erlendis og skapað lánsfjár-
bólu innan lands, fyllt vasa landsmanna af
ódýru fé, spillt þeim og tryllt þá. Blaðamenn
og álitsgjafar hafi látið auðjöfra bankanna
hafa allt of mikil áhrif á sig, jafnvel kaupa sig.
Nefnir Ingi Freyr til dæmis (bls. 41–42), að
Ólafur Arnarson, höfundur hinnar bókarinnar,
sem hér skal skoðuð, hafi verið á launum hjá
Exista fyrstu árin eftir bankahrun við það að
fegra myndina af eigendum þess fyrirtækis
og helstu samstarfsmanna þeirra. Sjálfur
játar höfundur á sig sök. Fyrir bankahrun hafi
hann verið meðvirkur, tekið umhugsunar-
laust við fréttum frá auðjöfrunum og jafnvel
þegið boðsferð eins þeirra til Barcelona með
einkaþotu.
Ingi Freyr bætir við, að embættismenn
og háskólakennarar hafi líka verið hallir
undir auðjöfrana. Til dæmis hafi þeir Friðrik
Hannes H. Gissurarson
Tvær gallaðar bækur
um bankahrunið
bækur