Múlaþing: byggðasögurit Austurlands - 01.01.2004, Page 8

Minningarorð
Finnur Nikulás Karlsson
30. nóvember 1956 - 31. júlí 2004.
Finnur Nikulás Karlsson fæddist á Gunnlaugsstöðum á Völlum 30. nóvember 1956,
sonur hjónanna Önnu Bjargar Sigurðardóttur og Karls Nikulássonar sem bjuggu þar.
Finnur ólst upp á Gunnlaugsstöðum. Hann varð stúdent frá Kennaraskóla íslands 1977
og stundaði síðan nám við Háskóla Islands og lauk þaðan BA-prófi í íslensku og prófi
í uppeldis- og kennslufræðum. Að loknu stúdentsprófi kenndi Finnur einn vetur við
grunnskólann á Borgarfirði eystra. Hann hóf kennslu við Menntaskólann á Egils-
stöðum 1984 og var þar íslenskukennari til dauðadags. Finnur gegndi fjölmörgum
trúnaðarstörfum, hann sat m.a. nokkur ár í hreppsnefnd Vallahrepps og var formaður
skólanefndar Hallormsstaðaskóla í tólf ár. Hann var formaður stjórnar Héraðsskjala-
safns Austfirðinga í nokkur ár og síðastliðin átta ár var hann ásamt Skarphéðni Þóris-
syni ritstjóri Múlaþings. Finnur var kvæntur Rannveigu Arnadóttur dómritara og eiga
þau tvær dætur, Gunnhildi og Önnu Berglindi.
Með okkur Finni Karlssyni var all náin frændsemi, en við Anna móðir hans vorum syst-
kinabörn. Kynni okkar hófust þó ekki fyrr en hann tók ásamt Skarphéðni Þórissyni við
ritstjórn Múlaþings, en ég var þá nýlega orðinn formaður útgáfustjórnar ritsins. Um
svipað leyti æxlaðist svo til að ég réðist sem forstöðumaður Héraðsskjalasafns Aust-
firðinga en Finnur var þá formaður stjórnar safnsins. Það fór því svo að við unnum
mikið saman. Ég kynntist Finni annars vegar sem samviskusömum og áhugasömum
stjórnanda sem bar hag Héraðsskjalasafnsins fyrir brjósti en gætti jafnframt hagsmuna
sveitarfélaganna sem höfðu trúað honum fyrir stjórnunarlegri ábyrgð á þessari stofnun.
Á hinum vettvangi samstarfs okkar var hann fræðimaðurinn og fagurkerinn sem lagði
allan metnað sinn í að Múlaþing væri læsilegt og menningarlegt rit til sóma fyrir
Austurland. Báðum þessum verkefnum sinnti hann af miklum sóma. Efnisvalið í
Múlaþingi ber þess merki að ritstjórarnir vildu að ritið stæði undir merki sem alþýðlegt
menningarrit sem höfðaði til sem flestra.
Finnur Karlsson lést langt um aldur fram 31. júlí s.l. Fljótsdalshérað hefúr misst einn
af sínum bestu sonum.
Hrafnkell A. Jónsson
6