Múlaþing: byggðasögurit Austurlands - 01.01.2004, Page 21

Ferðasaga af Austurlandi
Hrafnabjörg í Hjaltastaðaþinghá, mynd frá þvi um!969. Eigandi myndar: Marta Kristín Sigmarsdóttir.
heiði, en svo nefnist heiðin milli Vopna-
fjarðar og Bakkaijarðar. Þegar komið er af
heiðinni er stuttur spölur í Skeggjastaði eða
um 5 km.
Á þessu ferðalagi langar mig til að nota
þær tvær höfuðáttir sem þarna eru mest
notaðar en þær eru austur og norður og svo
út til sjávar og inn til lands.
Við vorum búin að dvelja á Hrafna-
björgum rúman mánuð Það var komið fram
í september og við þurftum að fara að koma
þessari ferð af áður en við færum aftur til
Reykjavíkur. Við bjuggum okkur eftir
föngum til að ferðast við þær aðstæður sem
við gerðum ráð fyrir og man ég að ég fékk
ullarsokka lánaða hjá tengdamóður minni.
En þótt við værum hlýlega klædd vorum
við samt ekki í vatnsheldum fötum.
Við lögðum af stað ásamt tengdaföður
mínum, sem ætlaði að fylgja okkur norður
að Lagarfljóti og vorum við öll á hestum.
Við byrjuðum á því að fara yfir Selfljótið.
Eins og áður segir rennur það neðan við
túnið. Það er töluvert breitt og lygnt en svo
er sléttlendið mikið þarna yst á Héraði að
flóðs og fjöru gætir langt upp eftir fljótinu
og því alls ekki sama hvort farið er yfir á
flóði eða fjöru. Var það aldrei minna en í
kvið og upp á miðjar síður á hesti, en þegar
flóð var þá gat það verið í taglhvarf eða
jafnvel á sund. Allt gekk þetta vel. Hafði
mér verið kennt þegar ég var yngri að horfa
ekki niður í vatnið ef mig svimaði heldur til
lands eða upp í loftið og jafnvel að láta aftur
augun og notfærði ég mér það eftir
aðstæðum.
Við fórum nú þvert yfir Héraðið að
Lagarfljóti, en sú leið er um 13 km yfir
sléttlendi, sem nefnist Eyjar. Þótti mér
sléttan drjúg og drýgri en mér sýndist frá
Hrafnabjörgum. Þegar við komum að
Lagarfljóti var stigið af baki og tengdafaðir
minn fór til baka með hestana því Lagarfljót
er ekki reitt þarna. Þegar farið var yfir með
hesta voru þeir sundlagðir og teymdir á eftir
ferjunum.
Farkosturinn sem skilinn hafði verið
eftir handa okkur lá á fljótsbakkanum,
19