Fréttablaðið - 09.04.2022, Side 120

Fjórir félagar úr tíunda bekk
í Árbæjarskóla tóku sig til
og stofnuðu fyrirtæki út frá
nýsköpunaráfanga í skól-
anum, sem kallast Startup
Árbær. Þeir hafa nú selt hátt í
hundrað peysur og renna 150
þúsund krónur af ágóðanum
til góðgerðarmála.
ninarichter@frettabladid.is
Þeir Arngrímur Egill Gunnarsson,
Egill Airi Daníelsson, Ísak Örn Frið-
riksson og Tryggvi Þór Torfason,
skipa einn þeirra fjögurra hópa
sem taka þátt í nýsköpunarverk-
efninu Startup Árbær í Árbæjar-
skóla. Stjórnandi verkefnisins og
kennari við skólann, Kristján Sturla
Bjarnason, segir að hugmyndin að
Startup Árbær hafi orðið til þegar
hann vann í félagsmiðstöð fyrir
nokkrum árum.
Hugmyndin löngu fædd
„Ég tek þetta verkefni svolítið með
mér úr félagsmiðstöð. Við vorum
þar með hópa sem voru með lítil
fyrirtæki. Verkefni hópsins var að
fá hugmynd og framkvæma hana,“
segir Kristján Sturla. „Ég fer að
kenna í Árbæjarskóla og tek þessa
hugmyndafræði með mér þangað
yfir og bý til valgrein í skólanum
sem heitir Startup Árbær.“
Hann segist leiða hópana í gegn-
um fyrirtækjaskref, þar sem búin
er til viðskiptaáætlun, hún kynnt
fyrir fjárfestum, „innan gæsalappa,
sem eru í þessu tilfelli stjórnendur
skólans.“
Því næst taki við markaðssetn-
ing, sem fari fram með hliðsjón af
tegund fyrirtækisins, hvort um sé
að ræða veitingastað, viðburða-
fyrirtæki eða fataframleiðanda.
„Svo fara þau í mjög létta útgáfu af
þessu fyrirtækjaferli. Þau hanna
vöruna, kortgera fjárhagsáætlun og
markaðssetja og selja,“ segir Krist-
ján Sturla. „Það er gaman að virkja
krakkana í stærri verkefnum, eins
og félagsstarf er stundum. Maður
kennir þeim helling í gegnum þetta.
Fjármálafræðslu og lífsleikni.“
Vöfflur og veitingarekstur
Að sögn Kristjáns eru fjögur fyrir-
tæki í þessu verkefni. „Það er þetta
peysufyrirtæki, svo eru strákar sem
stofnuðu vöff lu-veitingastað og
voru að selja vöfflur í tvo daga. Það
var sett upp eins og veitingastaður,“
segir hann. „Svo voru stelpur að selja
taupoka með Árbæjarskóla-lógóinu
á. Svo verður síðasti hópurinn með
betri-stofu. Svolítið eins og Saga
Lounge á Keflavíkurflugvelli, þar
sem hægt er að kaupa samlokur og
djús og slaka á í einni kennslustofu
í skólanum, svona klúbbur,“ segir
Kristján Sturla.
Hafa alltaf haft áhuga á hönnun
„Við strákarnir höfum alltaf haft
áhuga á fatagerð og tísku yfirhöfuð,“
segir Arngrímur Egill Gunnarsson,
fimmtán ára frumkvöðull og einn
stofnenda Burners-peysufyrir-
tækisins.
Hann segist hafa stokkið á tæki-
færið um leið og hann heyrði af
Startup Árbær. Síðan hafi boltinn
farið að rúlla.
„Það var einn strákur í hópnum
sem kom með nafnið og svo fórum
við að þróa hugmyndina. Bróðir
stráks í fyrirtækinu er ógeðslega
góður að teikna og er sjálfur með
fatamerki, og teiknaði fyrir okkur
merkin á peysurnar,“ segir Arn-
grímur Egill.
Gefa til góðgerðamála
Aðspurður hvort hópurinn hafi
þekkst fyrir, svarar hann „Ég er
nýkominn í skólann. Hinir þrír
strákarnir hafa verið saman í skóla
síðan þeir voru litlir, en ég er nýr í
hópnum,“ segir hann. Strákarnir
byrjuðu að selja hettupeysur undir
merkjum Burners í febrúar og þegar
þessi orð eru rituð eru 95 peysur
seldar. Hópurinn hyggst gefa 150
þúsund krónur af hagnaðinum til
góðgerðarmála.
Arngrímur Egill segist hiklaust
ætla að halda áfram á sömu braut.
„Mig langar að búa til fyrirtæki
og gera eitthvað sjálfur, fyrir aðra.
Ekki endilega fatagerð, en að reka
fyrirtækið er það sem mig dreymir
um að gera,“ segir hann. „Það er svo
ógeðslega skemmtilegt ferli að fram-
leiða og selja og sjá söluna koma
inn.“
Afhenti peysur í eigin persónu
Hvað helstu áskoranir í ferlinu
svarar Arngrímur Egill. „Þegar við
byrjuðum hélt ég að þetta væri ein-
faldara. En fólk var að kaupa utan
af landi, til dæmis úr Keflavík, og
við þurftum að koma peysunum
til skila, sem er erfiðara en maður
heldur,“ segir hann. „En ég bjó í
Keflavík áður en ég f lutti hingað,
þannig að ég fór bara sjálfur með
allar peysurnar til Kef lavíkur og
afhenti þær.“
Aðspurður hvort að þetta hafi
kveikt áhuga sem leiði af sér sérhæf-
ingu seinna meir, svarar Arngrímur
að svo sé. „Já, það eru tveir strákar
í hópnum sem ætla á hönnunar-
braut í framhaldsskóla og sérhæfa
sig í þessu. Þeir ætla að fara og bara
kunna að búa þetta til og hanna
merki og gera þetta vel,“ segir hann
brattur. ■
Fimmtán ára frumkvöðlar í
fatahönnun og fyrirtækjarekstri
Arngrímur Egill
Gunnarsson í
Burners-peysu.
FRÉTTABLAÐIÐ/
ANTON BRINK
Stofnendur
Burners-fyrir-
tækisins, frá
vinstri: Tryggvi
Þór, Arngrímur
Egill, Egill Airi og
Ísak Örn.
Kristján Sturla
Bjarnason,
kennari við
Árbæjarskóla
KVIKMYNDIR
Drive my Car
Sýnd í Bíó Paradís
Aðalhlutverk: Hidetoshi
Nishijima, Tôko Miura og Reika
Kirishima
Leikstjóri: Ryûsuke Hamaguchi
ingunnlara@frettabladid.is
Drive my Car er þriggja klukkutíma
kvikmynd um ást, dauða, tungu-
mál og helvíti langa bílferð, beint
úr hugarheimi japanska skáldsins
Haruki Murakami.
Myndin er byggð á nokkrum smá-
sögum úr smásagnasafninu Men
Without Women.
Aðalpersónan, Yusuke Kafuku, er
leikari og leikstjóri sem setur upp
margtyngdar útgáfur af leikritum
eftir Beckett og Tsjekhov. Eiginkona
hans, Oto, er handritshöfundur sem
semur verkin sín í gegnum fullnæg-
ingar.
Einn daginn kemur Yusuke að
Oto og ungum leikara í ástarat-
lotum. Skömmu síðar deyr hún af
völdum heilablæðingar.
Tveimur árum síðar er Yusuke
boðið að leikstýra Vanja frænda
í Hiroshima. Hann fær einkabíl-
stjóra, unga konu, og milli þeirra
fer að myndast nánd. Yusuke nýtir
aksturinn í að hlusta á upptöku af
Oto að þylja upp línur eftir Tsjekov.
Ek k i er hæg t að rét t læt a
lengdina á kvikmyndinni. Það
væri hægt að klippa hálftíma af
henni og það væri sama sagan.
Þegar rúmlega tveir tímar voru
liðnir birtist fimmtán sekúndu
skot af rauðum Saab í snjónum.
Áhorfendur í sal þrjú í Bíó Paradís
sprungu úr hlátri.
Þetta er alls ekki slæm kvikmynd.
Hún er ljúf. Í henni má finna áhuga-
verðar pælingar um samskipti og
tungumál og hvernig listin og djúp
tenging milli vina og elskenda er
hafin yfir tungumál. Kvikmyndatak-
an er líka helvíti flott. Sögustundin
í bílnum milli leikstjórans og elsk-
huga eiginkonunnar stendur upp
úr. Sömuleiðis einræðan á táknmáli
í Vanja frænda. Römmunin minnir
svolítið á In the mood for love.
Þetta er kvikmynd fyrir fólk
sem er ekki að flýta sér, sem hefur
gaman af listamannarúnki, djúpum
pælingum og yfirborðskenndum og
„dularfullum“ kvenpersónum.■
NIÐURSTAÐA: „Slow burn“ lista-
verk en einnig góð kvikmynd til að
leggja sig við.
Svæfandi soðningur Að mati gagn-
rýnanda er
Drive My Car alls
ekki slæm kvik-
mynd.
MYND/SKJÁSKOT
ingunnlara@frettabladid.is
Öðrum hluta af síðustu seríu
Attack on Titan lauk nú á dögunum
með mögnuðu sjónarspili.
Um er að ræða vinsælustu Anime-
þætti allra tíma, en þeir fjalla um
baráttu mannkyns við mann ætu-
risa. Risarnir marsera og örlög
mannkynsins eru í höndum stríðs-
manna og umskiptinga sem þurfa
að mæta vini sínum sem hefur
umbreyst í ógnvænlegt skrímsli.
Síðasta serían skiptist í þrjá hluta
og er von á lokakaflanum á næsta
ári. ■
Mannæturisarnir
marsera áfram
thorvaldur@frettabladid.is
Óskarsakademían hefur sett Will
Smith í tíu ára bann frá Óskarsverð-
launum eftir að hann sló grínistann
Chris Rock utan undir á verðlauna-
hátíðinni.
Bannið var tilkynnt í gær, viku
eftir að Smith sagði sig úr akademí-
unni en hann hefur einnig beðið
Rock afsökunar á hegðun sinni.
Í opnu bréfi sem birt var í kjöl-
far þess að 54 stjórnendur aka-
demíunnar funduðu lýsti forseti
akademíunnar, David Rubin, og
framkvæmdastjóri hennar, Dawn
Hudson, hegðun Smiths sem „óaf-
sakanlegri“ og viðurkenndu að hafa
ekki brugðist rétt við atvikinu, sem
átti sér stað í beinni útsendingu.
„Við biðjumst afsökunar á þessu. Við
fengum tækifæri til að setja fordæmi
fyrir gesti okkar, áhorfendur okkar
og meðlimi akademíunnar víða um
heim en brugðumst því – óviðbúinn
hinu ófyrirséða,“ segir í yfirlýsingu
akademíunnar.
Þá lofaði akademían Chris Rock
fyrir að hafa sýnt stillingu undir
óvenjulegum kringumstæðum og
þakkaði þeim sem voru viðstaddir
atvikið sömuleiðis fyrir að sýna ró.
Will Smith sagðist í yfirlýsingu
bæði samþykkja og virða ákvörðun
akademíunnar. ■
Will Smith
bannaður í tíu ár
Chris Rock og Will Smith elduðu
grátt silfur á sviðinu í mars.
60 Lífið 9. apríl 2022 LAUGARDAGURFRÉTTABLAÐIÐLÍFIÐ FRÉTTABLAÐIÐ 9. apríl 2022 LAUGARDAGUR