Fréttablaðið - 09.04.2022, Blaðsíða 90

Allir starfsmenn
eru sammála um
nauðsyn fjölbreytileika
og strákarnir hafa haft á
orði að það sé af hinu
góða að leggja áherslu á
að fjölga konum í hópn-
um. Öllum líður vel og
við erum óhrædd að
nýta styrkleika hvers
annars.
Hugrún Björnsdóttir
Tæplega þriðjungur starfs-
manna Netheims er konur
og stefnt er að því jafnt og
þétt að auka það hlutfall.
Með ólíkum sjónarmiðum og
styrkleikum koma fram betri
lausnir sem nýtast fleirum.
Tæknigeirinn snertir flesta fleti
samfélagsins og því er mjög æski-
legt að hlutfall stjórnenda og
starfsmanna innan hans endur-
spegli það, til dæmis þegar kemur
að kynjahlutfalli. Með ólíkum
sjónarmiðum og mismunandi
styrkleikum koma nefnilega fram
betri lausnir sem nýtast fleirum,
segir Sigríður Sigmarsdóttir,
eigandi og sölu- og markaðsstjóri
Netheims, sem er upplýsinga-
tæknifyrirtæki sem hefur sérhæft
sig á sviði reksturs tölvukerfa,
hýsingar og hugbúnaðarsmíði til 24
ára. „Frá stofnun Netheims hefur
ein kona starfað hér frá upphafi.
Fjöldi starfsmanna hefur haldist í
um 10-12 starfsmönnum og hefur
Helga bókari alltaf verið þessi eina
kona, enda tölvubransinn lengi
verið karlægur.“
Netheimur var stofnaður 1998 og
fram til ársins 2018 voru 95% starfs-
manna karlmenn að sögn Þórdísar
Aikman Andradóttur, framenda-
forritara. „Árið 2018 var Hugrún
Björnsdóttir verkefnastjóri ráðin
inn til okkar. Fyrir utan það hversu
klár hún er þá var hún einnig ráðin
inn til að auka hlut kvenna hjá
fyrirtækinu. Í kjölfarið hóf Sigríður
störf hjá okkur sem einn eigenda
og ég bættist í hópinn. Kynjahlut-
fall okkar í dag með þeim sem eru í
fæðingarorlofi er um 30% konur.“
Nýtum styrkleika hvers annars
Hún bætir við að það hafi verið
gaman að sjá að þegar fyrirtækið
auglýsti eftir nýrri Hugrúnu, þegar
hún fór í fæðingarorlof fyrir þremur
árum, hafi þau fengið metfjölda
umsókna frá konum. „Þá fengum
við að heyra að auglýsingin hefði
kallað á konur og þær metið okkur
sem jákvæð í garð kvenkynsstarfs-
manna.“
Hugrún segir Netheim leggja
mikla áherslu á að ekkert starf og
verkefni sé of lítið og allt starfs-
fólk sinnir fjölbreyttum störfum.
„Helmingur forritarateymis okkar
er konur og tveir þriðju í yfirstjórn
eru konur. Við erum ekki stórt
fyrirtæki og því eru þessar tölur
háar í prósentum en við gætum
gert mun betur. Okkur dreymir
til dæmis um að fá konu í tækni-
deildina, þannig að ef einhver hæf
kona les þetta má hún endilega
hafa samband. Allir starfsmenn
eru sammála um nauðsyn fjöl-
breytileika og strákarnir hafa haft
á orði að það sé af hinu góða að
leggja áherslu á að fjölga konum
í hópnum. Öllum líður vel og við
erum óhrædd við að nýta styrk-
leika hvers annars.“
Nýliðun skiptir máli
Þær eru sammála því að nauðsyn-
legt sé að auka nýliðun í faginu og
þá sérstaklega hjá konum. „Það
er m.a. hægt að gera með því að
brjóta niður staðalímyndir um
fagið og fólkið sem starfar í tækni-
geiranum,“ segir Sigríður. „Í staf-
rænum umskiptum munu verða til
alls konar störf og þá þarf að fá sem
flesta að borðinu. Störf í tæknigeir-
anum snúast ekki lengur bara um
unga forritunarsnillinga sem geta
varið öllum sínum frítíma í fagið.
Þó að þú starfir í upplýsingatækni
þá er ekki þar með sagt að þú getir
ekki átt líf utan hennar. Tækni-
geirinn treystir á að laða til sín alls
konar fólk, unga sem aldna, konur
og karla, mæður og feður, svo að
Ísland verði ekki eftirbátur ann-
arra landa í stafrænni framtíð.“
Forritunarkennsla nauðsynleg
Þórdís segir að nú, þegar við
höfum nokkurn veginn gengið úr
skugga um að Internetið sé ekki
„bara bóla“ og tæknivæðing virðist
aukast ár frá ári á alheimsvísu, þá
sé svolítið umhugsunarvert hversu
seint tölvu- og/eða forritunar-
kennsla byrjar, ef hún gerir það
yfir höfuð. „Það væri svo auðvelt
að gera forritun skemmtilega og
vekja þannig áhuga barna strax í
grunnskóla á faginu. Ekki endilega
með það fyrir augum að þau fari
öll í tölvunarfræði, heldur vegna
þess að forritun eykur svo skilning
á upplýsingatækni yfir höfuð og
opnar þannig dyr að nánast hverju
sem er.“
Gott samband skiptir öllu máli
Sigríður segir öflug upplýsinga-
tæknifyrirtæki skipta mjög miklu
máli fyrir íslenskt atvinnulíf.
„Þau skipta mjög miklu máli í ljósi
þeirrar stafrænu umbyltingar, eða
umskipta, sem eru að eiga sér stað.
Það þarf að byggja upp tæknilega
innviði til að mæta þeim breyt-
ingum sem stafræn umskipti hafa
í för með sér.“
Þær eru sammála um að sér-
staða Netheims felist í persónu-
legri og góðri þjónustu á sann-
gjörnu verði. „Netheimur leggur
ofuráherslu á gott samband við
viðskiptavini sína og það er
gaman að segja frá því að f lestir
okkar viðskiptavinir eignast sinn
eigin tengilið innan Netheims,
segir Hugrún. „Við erum með fjöl-
breytta reynslu á sviði tækni og
getum leyst f lest öll tæknivand-
ræði sem fyrirtæki lenda í. Má þar
nefna val á búnaði, uppsetningar,
tengingar, samþættingar, heima-
síður og vefverslanir. Við leggjum
áherslu á að vera þetta eina símtal
sem þitt fyrirtæki þarfnast.“
Árið fram undan er fullt af
skemmtilegum verkefnum og
áskorunum, bætir Sigríður við í
lokin. „Áherslur okkar árið 2022
eru á enn frekari samþættingar
milli kerfa, einföldun í rekstri
upplýsingatækni hjá fyrirtækjum
okkar og enn frekari þróun á staf-
rænum lausnum.“
Nánari upplýsingar á netheimur.is.
Fjölbreytileikinn
skiptir miklu máli
Frá vinstri eru þær Sigríður Sigmarsdóttir, sölu- og markaðsstjóri, Þórdís Aikman Andradóttir framendaforritari og Hugrún Björnsdóttir verkefnastjóri. FRÉTTABLAÐIÐ/ERNIR
12 kynningarblað 9. apríl 2022 LAUGARDAGURkonur í upplýsingatækni