Editiones Arnamagnæanæ. Series B - 01.06.1983, Page 22
XVI
Inngangur
§ 1-1.3
rímna4 og í greininni í Opuscula IV, þar sem sýnis-
horn af rithendi Halldórs er á móti p. 92. Þess skal
getið að skriftin á ÆG er ofurlítið máð, einkum á f.
75v, þannig að stundum reynist erfitt að skera úr með
vissu hvort depill (bæði greinarmerki og yfir staf) er
einfaldur eða tvöfaldur.
1.2. Forrit.
1.2.1. Á aukablaðinu í 555 c (sbr. § 1.1.2) segir
Árni Magnússon um ÆG: “Jnntak ur Sogu Gud-
mundar biskups. þar af siest ad Codex Resenianus
hvar þesse Epitome stendr inne, hefur i þær tider a
Jslandi vered.”
1.2.2. Jón Þorkelsson, síðar skjalavörður, lét sér til
hugar koma að sá Codex Resenianus, sem hér er
nefndur, hefði verið söguhandrit með formála séra
Þorsteins Björnssonar (prests að Utskálum, d. 1675).* 1
Svo mun þó ekki hafa verið, því að hvorki í prentuðu
skránni um Resenssafn2 né í skrá Árna Magnússonar
um íslensk handrit í því safni3 4 er nokkurrar Guð-
mundar sögu eða ágrips getið í þessu handriti, og í
annan stað hefði Árna Magnússyni varla þótt það
tíðindum sæta að handrit úr smiðju séra Þorsteins
hefði verið á íslandi 1656.
1.2.3. Jón Þorkelsson féll síðar frá áðurnefndri
skoðun sinni, en stakk í staðinn upp á því að þessi
Codex Resenianus væri AM 399 4to,4 sem eitt ís-
lenskra handrita er varðveitt úr safni Resens. Sömu
skoðunar virðist Kr. Kálund hafa verið, enda þótt
hann taki það fram að “intet sádant stykke” sé nú í
4 Pontus rímur, ed. Grímur M. Helgason (Rit Rímnafélagsins X,
Rv. 1961), p. lxxi.
1 Njála II (íslendinga sögur IV, Kh. 1889), pp. 741 og 768.
2 Petri Johannis Resenii Bibliotheca Regiœ academiœ Hafniensi
donata (Kh. 1685), pp. 259-61. - AMHdskrfort, pp. 113-14.
3 Stefán Karlsson, ‘Resenshandrit’, Opuscula IV, pp. 274-75.
4 Njála II, p. 787.