Editiones Arnamagnæanæ. Series B - 01.06.1983, Page 31
§ 1.3.7
Ævi Guðmundar biskups
XXV
ræða ártíðaskrá Helgafellsklausturs.23 Þess má geta
að í H (og væntanlega einnig í V svo langt sem hún
náði) var að finna ártíðir þorra Noregskonunga allar
götur frá Olafi Tryggvasyni og fram um 1300, og á
það má líta sem vísbendingar um náin tengsl
eiganda H við norsku konungsættina, að getið er
ártíðar Hákonar konungs ‘ens kórónaða’ (16. 12.), en
þann nafnauka hefur Hákon gamli Hákonarson ekki í
þeim fáu skrám öðrum sem geta ártíðar hans, að við
ártíð Magnúsar lagabætis (9. 5.) er haft meira en við
ártfðir annara manna með því að tilgreina dánarárið
(1280) og að þarna er nefndur ‘Oláfr junkherra’
(15.3.), sonur Magnúsar konungs, sem andaðist fimm
vetra gamall 1267. A því má enn fremur vekja
athygli, að flestar varðveittar ártíðaskrár frá mið-
öldum, sem vitað er að vóru hlutar af handritum með
öðru efni, stóðu framan við saltara eða grallara,24 en
bæði V og H vóru innan um fróðleiksefni varðandi
sögu, tímatal o.fl.
1.3.8. Jón Jóhannesson taldi Resensannál vera
“vafalaust eftir einhvern Sturlunga, e.t.v. Sturlu sjálf-
an. 1283 er þar getið andláts Þórðar prests, sonar
hans, og árið eftir tók ný rithönd við í frumritinu
(sbr. ísl. ann., útg. Storms, ii. bls.),25 en það ár (1284)
lézt Sturla.”26 Síðar herti Jón Jóhannesson á þessari
skoðun sinni og sagði: “T.d. benda efni og upplýsing-
ar um rithendur Resensannáls til þess, að elzti hluti
23 Ef H hefði verið í eigu Helgafellsklausturs, væri það með
nokkrum ólíkindum að ekki hefðu verið færðar í hana ártíðir
Helgafellsábóta eftir 1244. Líklegra virðist því, að auk V hafi
ártíðaskrá úr Helgafellsklaustri verið skrifuð upp í H. (Að vísu mun
hafa verið ábótalaust á Helgafelli 1244-58, og Ólafur Hjörleifsson
var þar ábóti mjög lengi, 1258-1302 (sbr. Hermann Pálsson,
Helgafell. Saga höfuðbóls og klausturs (Snæfellsnes II, Rv. 1967),
pp. 67-68).)
24 Sbr. KálKatAM I, pp. 226-32.
25 Sbr. §§ 1.3.2 og 1.3.3 hér að framan.
26 Gerðir Landnámabókar (Rv. 1941), p. 135.