Editiones Arnamagnæanæ. Series B - 01.06.1983, Side 35
§ 1.4.5
Ævi Guðmundar biskups
XXIX
hann var kjörinn til biskups, tímalengd er óljós í
henni á stöku stað og yfirleitt ekki greindir dvalar-
staðir Guðmundar í Noregsferðum hans, er loku fyrir
það skotið að hún hafi verið einkaheimild ÆG, en
hins vegar kynni Sturla að hafa stuðst við ÆG við
samningu Islendinga sögu, þó að hann hafi þá ekki
hirt um að gjörnýta hana. Dánarár Guðmundar, 1237,
er nefnt eitt ártala í Islendinga sögu,5 og það er í
samræmi við tímatal ÆG (1161 + 76).6
1.4.6. Litlar sem engar líkur eru á að nokkur varð-
veitt gerð Guðmundar sögu hafi notað ÆG, þar sem
notkun hennar hefði átt að hafa í för með sér skýrara
tímatal, og eins væri þá við því að búast að einhver
efnisatriði sem ÆG hefur fram yfir aðrar heimildir
þessara sagna hefðu skotið þar upp kollinum, en svo
er ekki nema á einum stað í GD (sbr. aths. við ÆG, 11.
41-44), þar sem hugsanleg notkun ÆG er þó með þeim
hætti að fremur væri ætlandi að til hennar væri vitnað
eftir minni.
1.4.7. Annálar geta ekki dvalarstaða Guðmundar á
prestsárum hans, en flest af því sem snertir Guðmund
á biskupsárum hans og nefnt er í annálum kemur
heim við ÆG að fráskildri tímasetningu Hólabardaga,
þar sem villa er í texta ÆG, 11. 36-37, og annálagrein
1232, sbr. aths. við ÆG, 1. 61. ÆG kynni því að hafa
verið aðalheimild annáls þess sem liggur að baki
öllum varðveittum annálum að því er varðar Guð-
mund biskup, en sá annáll hefur verið náskyldur
StormAnn I (Resensannál), sem var í Membr. Res. 6
5 Ólafía Einarsdóttir, Studier i kronologisk metode i tidlig is-
landsk historieskrivning (Bibliotheca Historica Lundensis XIII), p.
141.
6 Raunar er ekki loku fyrir það skotið að fæðingarárinu í ÆG hafi
verið aukið eða vikið við af skrifara - e.t.v. Sturlu Þórðarsyni, sbr.
§§ 1.3.8-9. Frá Halldóri skrifara er ártalið varla komið, því að í
Sturlungu hans, Papp. 4to nr. 8 í Konungsbókhlöðu í Stokkhólmi,
sem líklega er skrifuð heldur fyrr upp en ÆG (sbr. Opuscula IV, p.
94), er fæðingarárið 1160 (sbr. SturlKál I, p. 128).