Editiones Arnamagnæanæ. Series B - 01.06.1983, Page 47
§ 2.3.4
AM 399 4to (Aa1)
XLI
Reyndar er unnt að benda á smávægilegan mun á
stafagerð og stafsetningu, sbr. §§ 2.6.1 og 2.6.2, og
á þeim grundvelli má skipta handritunum í tvo flokka:
í AM 122 a fol. og AM 346 fol. eru skriftareinkenni
sem varla eða ekki koma fram í Additam. 1 fol., AM
671 4to og Perg. 4to nr. 4, en að hluta í Aa1. Það er
því ólíklegt að Aa1 sé elsta eða yngsta handrit
hópsins, en samkvæmt því sem segir í § 2.3.3 er
trúlegt að Additam. 1 fol. sé snemma skrifað en AM
122 a fol. seint á ferli skrifarans. Að öllum líkindum
er Aa1 skrifað innan tímamarkanna 1330-50.
2.3.5. Hannes Finnsson benti á að mikill hluti þess
fólks sem ætti ártíðir sínar í Additam. 1 fol. væri af
ættum Seldæla í Arnarfirði, Hagamanna á Barða-
strönd, Eyrarmanna í Arnarfirði, Oddaverja og
Sturlunga, en allar eru þessar ættir tengdar og
skyldar með ýmsu móti. Hannes taldi því ljóst að
ártíðaskrá þessi væri skrifuð á Vestfjörðum,12 og undir
þetta tók Jón Þorkelsson, sem nefndi skrána ártíða-
skrá Vestfirðinga, en bætti við að eins vel hefði mátt
kalla hana ártíðaskrá Seldæla.13 Þá hefur Jonna
Louis-Jensen bent á að hugsanlega sé sama höndin á
messudagaríminu Additam. 1 fol. (sem ártíðirnar eru
færðar í) og á messudagaríminu AM 249 p fol. og
saltarahandritinu AM 241 a fol. (pp. 1-34 og 59-74),
en þetta tvennt hefur að öllum líkindum verið ein bók
(og er með sömu hendi og AM 45 fol. (Codex
Frisianus)).14 í AM 249 p fol. eru ártíðir Seldæla, eins
og í Additam. 1 fol., og enda þótt tvímælis orki að
sami maður hafi skrifað Additam. 1 fol., eru skriftar-
líkindi svo veruleg (einkum við suma hluta AM 241 a
fol.) að líklegt verður að telja að handritin séu rituð á
12 Scriptores Rerum Danicarum VIII, p. 551, sbr. ættartölur ad p.
552.
13 íslárt, p. 115.
14 Kongesagastudier (BA XXXII, 1977), pp. 19-21. - Sbr. einnig
Lilli Gjerlow, Liturgica Islandica I (BA XXXV, 1980), pp. 94-97.