Editiones Arnamagnæanæ. Series B - 01.06.1983, Page 92
LXXXVI
Inngangur
§ 3.7.30
Ýmist er ritað j mot eða j moti og nær alltaf í samræmi við
forrit. Þó er ritað j moti 33r (= imot 217.13). Stöku sinnum fer
‘á’ eða ‘at’ á undan, eins og í forriti, sbr. a mot lOr (51.9), a
moti 19v (152.3) og at moti 20v (157.9).
3.7.31. Á 34v (220.24) hefur skrifari fyrnt mál og sett o/fyrir
um í vísu.
3.7.32. Skrifari hefur ekki blakað við samtengingunni ‘unz’
(sbr. § 2.5.2 og nmgr. 4 þar) nema einu sinni, þar sem hann á
13v sleppir orðunum unz hann kemr 83.1. Annars skrifar hann
unst eða unzt a.m.k. 14 sinnum, t.a.m. 5v (14.188 og 197),
þ.e.a.s. breytir z á sama hátt og z í bakstöðu í miðmynd sagna
og hástigi lýsingarorða.
3.8. Skrifari og önnur verk hans.
3.8.0. í spássíugrein með hendi skrifara á f. 19v í
AM 394 4to (sbr. § 3.4.2) er nefnt ártalið 1592, sem
kynni að eiga við þann reikningsskap sem þar er
tilgreindur, en jafnframt er það að öllum líkindum
ritunarár bókarinnar, því að 1592 var einmitt ‘16.
vetur í tunglöldu’ ((1592 + 1) : 19 = 83 16/19), og
slíkur vetur er nefndur í spássíugrein á f. 20v, sem
lýtur án efa að ritun bókarinnar. Þessi grein er
dagsett ‘næsta dag eftir Martinusmessu’, þ.e. 12.
nóvember, og í spássíugreinum á ff. 9v og 13v eru
dagsetningarnar ‘þriðjudag’ og ‘föstudag’ ‘í annari
viku páska’, en þá daga bar upp á 4. og 7. apríl 1592.
Skrifari hefur því ekki verið samfellt að við ritun
bókarinnar, sem hann kynni að hafa horfið frá
sumarmánuðina vegna brýnni starfa. Önnur skýring á
því að hlé hefur orðið á skriftum kynni að vera sú, að
skrifari hafi haft spurnir af GD-texta, sem hann vildi
drýgja uppskrift sína með, en ekki komið strax
höndum yfir hann; notkun GD-texta hefst á f. 16, sbr.
§ 3.2.4.
Spássíugreinin á f. 19v sýnir að skrifari hefur verið
kunnugur í Trékyllisvíkurhreppi á Ströndum, og sam-
kvæmt tilgátu í § 2.4.2 hefur forrit 394 að GA-texta,
Aa1, verið í Tröllatungu í Steingrímsfirði í Stranda-
sýslu um miðbik 16. aldar.