Editiones Arnamagnæanæ. Series B - 01.06.1983, Síða 93
§ 3.8.0
AM 394 4to (Aa2)
LXXXVII
394 er óvenjulegt handrit að ýmsu leyti. Það er
skrifað á skinn eftir að pappír var orðinn algengara
bókefni, það er í fátíðu broti (sbr. § 3.1.1),1 en einkum
er það sérstakt á sínum tíma efnis vegna. Ef marka
má varðveitt handrit, hefur verið fjarska lítið um að
íslenskar miðaldabókmenntir, aðrar en lög (Jónsbók)
og rímur, væru skrifaðar upp frá því um siðbreytingu
og fram um 1630, þegar áhrifa húmanisma fer að
gæta í þessum efnum,2 og sérlega sjaldgæft hefur það
að sjálfsögðu verið að kirkjulegar bókmenntir væru
skrifaðar upp. I 394 er ekki aðeins skrifuð upp ævi-
saga kaþólsks biskups, heldur er sú saga aukin jarteina-
efni úr annari sögu sama biskups - þar á meðal reynd-
ar Selkollu þætti, sem gerist einmitt á Ströndum.
Sé skyggnst um meðal kunnra manna í Strandasýslu
1592, sem að óreyndu væru líklegir til að hafa unnið
þetta óvenjulega verk, verður einn þegar fyrir, Jón
lærði Guðmundsson, sjálfmenntaður fróðleiksmaður,
sem mjög er bendlaður við bóklega iðju. Hann fór
sínar eigin leiðir og var ekki haldinn andúð margra
samtíðarmanna sinna á pápískum bókum.3
Jón var fæddur 1574 í ‘Ofeigsfirði á Hornströnd-
um’,4 ólst upp ‘í Arnesþingum’,5 6 og hann segist hafa
1 “4to oblongo”, segir Arni Magnússon, sbr. § 3.9.3.
2 Sbr. Peter Springborg, ‘Antiqvæ historiæ lepores - Om renæs-
sancen i den islandske hándskriftproduktion i 1600-tallet’, Gardar
VIII (Lundi 1977), pp. 53-89.
3 Rækilegasta greinargerð fyrir ævi Jóns lærða er hjá Páli Eggert
Olasyni, Menn og menntir siðskiptaaldarinnar á Islandi IV (Rv.
1926), pp. 315-49 og víðar. - Hér á eftir er stuðst drjúgum við
óprentaða kandídatsritgerð Einars G. Péturssonar, Jón Guö-
mundsson lœrði og þjóðsagnaefni í ritum hans (Rv. 1970). -
Varðandi æviferil Jóns, einkum framan af, eru helstu heimildir rit
hans sjálfs, og til sumra þeirra verður vísað í þessum kafla. - Um
viðhorf Jóns til kaþólskra bóka sjá Jón Helgason, Handritaspjall
(Rv. 1958), pp. 38-39.
4 ‘Fjölmóður’, SSÍ V.3 (Rv. 1916), p. 34; ‘í Ófeigsfirði við Strand-
ir’, ‘Tíðfordríf’, JS 404 8vo, p. 111.
6 ‘Fjölmóður’, loc. cit.