Heilbrigt líf - 01.06.1952, Page 35

og kvefs eru nokkuð á reiki og oft af handahófi, hvort
er skrásett. Nokkuð bar á hörðum hósta og hæsi. Ennþá
er ekkert lyf, sem talizt getur við sjálfu kvefinu, enda
þótt ýmislegt sé reynt. Einn héraðslæknir getur þess, að
„rúmlega og 12 vasaklútar“ sé líklega bezta ráðið.
Bamaveiki gerði aðeins vart við sig í Reykjavík, en
þar voru 2 tilfelli skráð, en eitt bam dó úr henni. Var
lengi vel álitið, að um hálsbólgu væri að ræða hjá barn-
inu, en síðar fannst, að foreldrar þess voru bæði smit-
berar. Barnaveiki er nú alveg að hverfa, hún er orðin
svo sjaldgæf, að læknum dettur hún varla í hug lengur.
Þetta er að þakka bólusetningunni, sem þó var með
minnsta móti þetta ár, aðeins 21 barn frumbólusett í
Reykjavík og 17 endurbólusett.
1938 1939 1940 1941 1942 1943 1944 1945 1946 1947,-
Sjúkl. 0 4 4 9 11 63. 1 ,1 3 2
Dánir 0011220021
Barnsfarasótt. Skráð eru 13 tilfelli og ein kona talin
dáin úr henni. Á síðustu 10 árum eru skráð frá.7 upp
í 15 tilfelli á ári. Það er fremur erfitt að draga mörkin,
því að ekki er allur sótthiti í sængurlegu barnsfarasótt.
Ljósmæðrum sumstaðar virðist vera illa við nafnið, segir
svo á einum stað: „En læknirinn má helzt ekki nefna
barnsfarasótt svo sumar ljósmæður heyri. Sá sjúkdóm-
ur virðist ekki til í þeirra orðasafni og ekki hugsanlegur
undir þeirra handleiðslu. Er hún þó ekki alltaf „lege
artis“.“ Svo mörg eru þau orð.
Taugaveiki. Tvö tilfelli voru skráð á árinu og líklegt,
að annað tilfellið hafi verið misskráning. Hitt tilfellið
var úr Selfosshéraði og var heimilið sett í sóttkví og
mjólkursendingar stöðvaðar. Lækninn grunaði, að tengda-
móðir sjúklingsins væri smitberi. Hann segir svo: „Hún
hafði fengið taugaveiki fyrir einum 30 árum eða meira.
Um upptök veikinnar varð ég einskis vísari, en því er
ekki að neita, að grunur minn hringsólaði stöðugt í
Heilbrigt lif — 3
33