Heilbrigt líf - 01.06.1952, Síða 60

því ekki einhlítt, hvorki með tilliti til frjóvgunar né þess
að koma í veg fyrir frjóvgun, að haga samförum eftir
egglosinu. Margar konur hafa orðið barnshafandi á öðrum
tímum, jafnvel meðan þær höfðu á klæðum.
Þótt hægt sé að komast að raun um, að leg og eggvegir
séu eðlileg, þá þekkist ekki nein aðferð til þess að rann-
saka starfsemi eggjakerfanna nema þær óbeinu aðferðir,
sem þegar eru nefndar. Hins vegar er nú farið að skoða
eggjakerfin með eins konar „speglum“. Áhaldið, sem not-
að er, svipað því sem lýst er hér að framan í sambandi
við „speglun" á leginu. Er farið með það inn í kviðar-
holið og eggjastokkarnir skoðaðir. Árangurinn, sem feng-
ist hefur, er ekki eins góður og menn hugðu í fyrstu, því
eggjakerfin liggja svo neðarlega í kviðarholinu. Það er
erfitt að komast að þeim. Til þess 'að komast yfir þennan
erfiðleika, tók Te Lind upp á því árið 1940, að skoða
eggjastokkana með því að stinga kviðsjánni upp í gegn-
um aftari hvilftina á leggöngunum upp í neðsta hluta
kviðarholsins. Hann lét konuna liggja á bakinu og blés
síðan inn lofti, en þetta mistókst vegna þess, að loftið
fór jafnharðan út aftur. Um tveim árum síðar fann Deck-
er upp á því, að hafa konuna á fjórum fótum og við það
falla innyflin fram að þindinni og loftið helzt í neðsta
hluta kviðarholsins. Við þessar aðstæður má auðveldlega
sjá eggjakerfin, stærð þeirra og þroskastig. Eins sést ef
konan hefur óeðlilega samvexti umhverfis eggjastokkana
og eggvegina. Þessi rannsókn er nú orðið mikið notuð við
rannsóknir á ófrjósemi og getur sennilega orðið mikils
virði í framtíðinni til þess að fylgjast með árangri af
lyfjagjöfum, þegar um truflanir á starfsemi eggjakerf-
anna er að ræða. Þessa rannsókn má hæglega endurtaka
nokkrum sinnum. Að lokum er sú aðferð að opna kviðar-
holið með skurðaðgerð og fá þannig fullkomna skoðun á
innri líffærum, sem nú á dögum er tiltölulega handhæg
58
Heilbrigt líf