Heilbrigt líf - 01.06.1952, Síða 85

Síe ögoiii af hyerjii
í Vestur-Afríku og Indónesíu er einn læknir fyrir
hverja 50 þúsund íbúa, en hæfilegt er talið, að einn
læknir sé fyrir hverja þúsund íbúa. I Burma og Kína
er yfir ein milljón íbúa á hvern tannlækni og í Indlandi
ein hjúkrunarkona fyrir hver 100 þúsund íbúa.
— o —
í nágrenni Bergen hefur Rauði krossinn komið fyrir
kössum, sem innihalda öll nauðsynleg lyf og umbúðir til
hjálpar í viðlögum. Er þeim komið fyrir meðfram veg-
um og getur fólk farið í þessa kassa eftir þörfum. Fyrir-
komulagið gefst vel og mælist vel fyrir. Hve lengi skyldu
slíkir kassar fá að vera í friði meðfram þjóðvegum hér
á landi?
— o —
Árlega eru framleidd um 250 tonn af svefntöflum í
Bandaríkjunum, en það svarar til, að hver maður noti
um 24 töflur á ári. Á síðasta ári dóu yfir 1000 manns
af of stórum skömmtum svefnlyfja, ýmist teknum af
vangá eða í sjálfsmorðsskyni. Og enn fer notkunin í vöxt.
— o —
Á afskekktu landsvæði í Indlandi voru 65 af hverjum
100 íbúanna með smitandi sárasótt. Þeim var gefið
penicillin og kennd notkun þess. Fimm mánuðum seinna
hafði ekkert nýtt tilfelli fundizt.
Heilbrigt líf
83