Læknaneminn - 01.09.1981, Blaðsíða 75

þeirri vesturheimsku langt fram og var því ákveðið
að leggja hana til grundvallar.
Könnunin frá IFMSA er þrískipt, ein könnun fyrir
preklínísk námskeið, ein fyrir klínísk námskeið sem
standa skemur en tvær vikur og sú þriðja fyrir klín-
ísk námskeið sem standa lengur en tvær vikur.
Starfshópurinn hefur nú lokið við að þýða kann-
anirnar og voru þær kynntar á félagsfundi 23. fe-
brúar. Hópurinn hyggst leggja þær fram mjög
bráðlega til kynningar í námsnefndum og í kennslu-
nefnd læknadeildar. <■ . _
Asgeir tír.
Afmœlishátíð í lœknadeild
I vetur hefur nefnd fimm kennara og eins stúdents
starfað að undirbúningi ráðstefnu í tilefni 70 ára
afmælis HÍ (og þá einnig læknadeildar), og til að
minnast 100 ára skipulagðrar læknakennslu á Is-
landi (Læknaskólinn stofnaður 1876). Þessi hátíða-
höld hafa staðið til í u. þ. b. fimm ár og er nú loks-
ins kominn skriður á málin. Ráðstefnan verður hald-
in í hátíðasal háskólans 2. og 3. apríl nk. Þar verður
fjallað um læknakennslu í fortíð, nútíð og framtíð.
Tvímælalaust má vænta bæði gagns og gamans af
umræðum þessum. Dagskráin verður birt með nán-
ari auglýsingum síðar. ^ ,
Samstarf við Krabbameinsfélagið
1 ár eins og undanfarin hafa læknanemar aðstoð-
að Krabbameinsfélag Reykjavíkur við fræðslu um
skaðsemi reykinga í 8. bekkjum grunnskólans. Alls
var farið í 80 bekkjadeildir. Fengu þeir vasapen-
inga fyrir. Notaður var litskyggnuflokkur með texta
Snorra læknis Olafssonar. , r ,
i ida og Pora.
Um kennslustofu á Landspítalanum
Það var fyrri hluta árs 1979, að stjórnarnefnd
ríkisspítala ákvað að kennslustofu á 1. hæð tengi-
gangi Landspítalans skyldi breytt í rannsóknastofur.
Þessari ákvörðun var mótmælt, bæði af FL og stjórn
læknadeildar. Fljótlega kom í ljós, að engar smá
framkvæmdir voru á döfinni. Ráðgert var að útbúa
nýja kennslustofu á 4. hæð þar sem gervinýrað hef-
ur verið til húsa.
I lok ágúst 1980 var svo títtnefndri kennslustofu
breytt í rannsóknastofu án þess að stjórn læknadeild-
ar væri gert viðvart. Ekki var þó framkvæmdahrað-
inn jafn mikill á 4. hæðinni, þar sem nýja kennslu-
stofan á að vera og veit ég ekki til þess, að fram-
kvæmdir séu hafnar þar enn. Einhver orðrómur hef-
ur þó heyrst um, að sú kennslustofa eigi að vera til-
búin næsta haust. Fyrst eftir að þetta gerðist var
mikill mótmælahugur í deildarráði, sem koðnaði þó
niður er frá leið. FL sendi stjórnarnefndinni og
læknaráði Landspítalans harðort skammarbréf.
Villa.
Utgáfa Meinvarpa
Alls sáu sjö tegundir Meinvarpa dagsins Ijós.
Þessi ófögnuður dreifði sér síðan eftir öllum hugsan-
legum leiðum til félagsmanna. Er það einlæg ósk
stjórnar, að enginn læknanemi hafi sloppið við
meinsemd þessa. Innan stjórnar urðu umræður um
hvort breyta ætti nafni þessa plaggs. Finnst sum-
um að hér sé fullógeðslegt nafn á ferðinni og benda
á að þó svo við séum læknanemar þá þurfum við
ekki endilega að taka út ógeðslegasta hugtakið í
fræðigreininni og klessa því sem nafni á upplýsinga-
rit vort. TT.,7
Hildur.
Um samningsleysið
Staðan í samningamálum Hl og kennslusjúkra-
húsanna var rakin í Meinvörpum 27. október og síð-
an aftur 2. des. 1980. Því miður er litlu við að bæta.
Stjórn FL hefur sent menntamálaráðherra tvö bréf,
með ósk um að fá fulltrúa í væntanlegri nefnd, sem
skipa á til að ganga endanlega frá samningi þessum.
Svar hefur enn ekki borist frá háttvirtum ráðherra.
Þá höfum við reynt að fá viðtal við ráðherra, en
sem kunnugt er hefur hann verið á ferðum erlendis
og því ekki náðst til hans. Þegar þetta er ritað, er
búist við viðtali þann 10. mars. Ætlunin er að kvnna
ráðherra samningsdrög þau er stjórn FL hefur unn-
ið upp (og kynnt voru í Meinvörpum 2. des. sl.), og
fá nánari fréttir af nefndinni margumræddu, og
tveggja fulltrúa FL þar.
Samstarf við SHÍ
Fulltrúar frá stjórn FL hafa setið á fjórum fund-
um sem Stúdentaráð hefur haldið með deildarfélög-
unum. Hefur þar verið skipst á skoðunum um mörg
LÆKNANEMINN
73