Úrval - 01.11.1970, Blaðsíða 44

42
ÚRVAL
TILBEIÐSLA
Þrátt fyrir sitt eingraða líf krefst
Gréta Garbo aðdáunar og hún er
stöðugt dýrkuð.
Miss Garbo heldur sig innan
veggja í 6 herbergja íbúð sinni við
East 52nd Street, og það er sjald-
gæfur viðburður að hún komi í
samkvæmi eða sjáist í leikhúsi. En
gangi hún á götu er straumur fólks
á eftir henni og bílflautur gjalla er
Cadillacinn hennar brunar fram
hjá.
Það verður að viðhafa ströngustu
siðareglur þegar Garbo er annars
vegar. Gamlir vinir eins og Chapl-
in mega kalla hana Grétu. Góðir
kunningjar, en þeir eru ekki marg-
ir sem geta státað af því — fá leyfi
til að segja — GG —. Síðan kemur
Miss G, en flestir verða að láta sér
nægja Miss Garbo. Það hendir líka
oft að hún í síma neitar að vera
Garbo og notar nafnið miss Brown.
Þessir duttlungar eru ekki nýtt
fyrirbæri. f rauninni hefur Gréta
Garbo þverbrotið allar reglur á ár-
unum sem liðin eru síðan hún var
búðarstúl’kan Gréta Gústafsson í
Stokkhólmi. Garbo hefur eiginlega
aldrei verið talin fögur í þess orðs
fyllstu merkingu. Hún hafði merki-
legt göngulag, sem hún gat ekki
eða vildi ekki breyta, fæturnir voru
of stórir og hún brosti sjaldan og
hló aldrei. Samt vildu allar konur
líkjast henni.
HÚN HVARF
Gréta Garbo hefur aldrei borið
frúartitil og í dag býr hún með
ráðskonu sinni og einkaritara, sem
sér um allar hennar þarfir.
Hennar eina ást — Mauritz Still-
er — lézt fyrir 40 árum og kunn-
ugir segja að hún syrgi hann enn í
dag. Það er samt í minnum haft
hve viðkvæmnislaust hún tók til-
kynningunni um dauða Stillers og
hve snarlega hún sneri sér að kvik-
myndaupptökunni aftur eftir lestur
skeytisins. Síðar var mikið rætt um
fyrirhugað hjónaband Garbo og
kvennagullsins John Gilbert. Gréta
Garbo tók öllum ástarjátningum
stjörnunnar með stóiskri ró, en
hreifst af honum á vissan hátt. Þeg-
ar svo að því kom að Gilbert hóf
upp bónorðið, gerði Garbo sér lítið
fyrir og hvarf í margar vikur. John
Gilbert beið þolinmóður langa hríð,
en loks kom að því að hann gafst
upp og seldi hundrað þúsund doll-
’ara lystisnekkjuna er Garbo hafði
átt að fá í morgungjöf. Er það barst