Goðasteinn - 01.09.1973, Blaðsíða 18

naut sinn, norska dýralækninn Hansteen. Þorgils bóndi kom til
dyra. Jón sagði til sín. Þá sagði bóndi:
„Nú, ert þú Jón Sigurðsson, sem kallar okkur Rangæinga fjár-
böðla?“
Ekki er þess getið, hverju Jón hafi svarað, en varla mun hann
hafa erft við Þorgils þetta kals, enda má vera, að húsfreyjan hafi
sléttað úr misfellunum og aftrað bónda sínum frá frekari áreitni.
Að minnsta kosti mun Jóni hafa fallið vel við hana eftir því
að dæma, sem Brynjúlfur Jónsson frá Minna-Núpi segir í Keldna-
mannaþætti Þar segir svo um Þuríði:
„Hún var bráðgáfuð, lærði dönsku af bókum einum og var að
því skapi þrifin og góð búkona. Er vert að geta þess, að Jón
Sigurðsson forseti gisti á Rauðnefsstöðum, er hann fór Fjalla-
baksveg til Skaftafellssýslu í fjárkláðaerindum. Var síðan haft
eftir honum, að af sjálfmenntuðum konum, er hann þekkti, þætti
sér Þuríður á Rauðnefsstöðum meðal hinna fremstu.“
Brynjúlfur heldur áfram og segir þannig frá Þorgilsi:
„Þorgils bóndi hennar, var greindur vel og hygginn búmaður.
Vart varð við það, einkum er hann var drukkinn, að hann hafði
fjarskyggnisgáfu. Svo var t. d., er Þorlákur í Gröf og félagar
hans urðu úti á Fjallabaksvegi. Þá var það sama kvöldið, sem
bylurinn skall á til fjallanna, að Þorgils kom heim nokkuð drukk-
inn. - Hann drakk aldrei heima, en oft í ferðum, sem þá var
algengt. - Fálátur var hann það kvöld, er heim kom, og lagðist
þegar til svefns, sem hann var vanur, er svo stóð á. Þá talaði
hann hvað eftir annað hálfsofandi:
„Bágt eiga þeir, sem á fjallinu eru! Aumingja mennirnir á
Fjallabaksveginum! Ég vildi þeir væru komnir hingað.“
Eigi var þessu gaumur gefinn, fyrr en mannskaðinn fréttist.
Var þá margs til getið um, hvar þeir hefði lent. Þá var það eitt
sinn, að Þorgils hafði komið heim drukkinn og lagzt til svefns,
að hann sagði milli dúranna:
„Þeir liggja dauðir á fjallinu, þrír saman og einn skammt frá.“
Bein hinna látnu fundust eftir 10 ár. Höfðu þrír verið saman
og hinn fjórði skammt frá þeim. - Líkt þessu kom oftar fyrir
Þorgils. En hann fór dult með það.
16
Goðasteinn