Goðasteinn - 01.09.1973, Blaðsíða 77

Hjónin í Tungu.
andi austan túnið, hvatlegur og vörpulegur á velli, með yfirhöfn
á handlegg. Þannig man ég hann bezt á gömlu götunni.
Þetta var Guðjón Jónsson bóndi í Tungu. Hann var fæddur i
Miðkoti í Fljótshlíð 20. marz 1872 og voru foreldrar hans hjónin
Jón Ólafsson og Guðrún Oddsdóttir. Jón faðir hans var fæddur
á Torfastöðum 11. apríl 1842, d. 16. júní 1926, sonur Ólafs
bónda þar Einarssonar og konu hans Vigdísar Jónsdóttur frá
Lambalæk. Guðrún móðir hans var fædd á Vestur-Sámsstöðum
6. júní 1847, d- 6. ágúst 1899, dóttir Odds hreppstjóra þar Eyj-
ólfssonar hreppstjóra og bónda á Torfastöðum Oddssonar og konu
hans Ragnhildar Benediktsdóttur frá Fljótsdal Erlingssonar. Sá
Benedikt drukknaði í Álftavatni á Laufaleitum 21. ágúst 1838
og var Ragnhildur dóttir hans þá með honum, unglingsstúlka.
Þau Jón og Guðrún hófu búskap í Miðkoti vorið 1870. Til er
úttekt á húsum þar, þegar þau tóku við jörðinni og er hætt við
að nútíðarfólki þætti þau húsakynni lítt íbúðarhæf. Ekki urðu
búskaparár þeirra mörg í Miðkoti, því að þjóðhátíðarárið 1874
Goðasteinn
75