Goðasteinn - 01.09.1973, Blaðsíða 68

og segir nokkuð hastur um leið og hann leit út: „Nú er Guð-
brandur kominn og er býsna brúnaþungur." Þá segir Gísli: „Og
er það ekki von, þar sem ég hefi logið þcssu öllu upp á mann
skepnuna!“ En enginn Guðbrandur var kominn.
Sýslumaður dæmdi Gísla undir tíu vandarhögg og Sigurð undir
fimm. Þannig lauk draugamálinu. Svona lagað hrekkjabragð, sem
þessir óþokkapiltar léku og sem nærri hafði eyðiiagt velferð eins
hcimilis, sýndi, hvað hræðilega spilltur hugsunarháttur einstöku
manna gat verið.
UM ÁRFERÐI í HJALTASTAÐAÞINGHÁ
Hjaltastaðaþinghá hefir oft verið undirlögð miklu vetrarríki.
Óblíða náttúrunnar hefir oft gjört áhlaup á sveitina, þegar kom-
ið hefir verið fram á vor, og það í júnímánuði.
Hér á eftir ætla ég lauslega að gjöra yfirlit yfir árferði, eftir
því sem ég nánast man; aðallega frá 1853 til 1876.
Veturinn 1852-1853 var harður, kallaður ,,harði-vetur“. Þegar
komið var fram á útmánuði, voru margir bændur orðnir fóður-
þrota, og ráku þá margt af fé sínu upp til efri sveita; sumir upp
í Fljótsdal, þar sem ársæld var mest, alauð jörð, þegar jarðbann
var á úthéraði. Þeir komu til baka sigri hrósandi: ær allar fram-
gengnar með lömbum.
Næstu fimm ár voru góð; 1856 voru góu-páskar, 23. marz. Þá
var alauð jörð, og túnvinna byrjaði snemma. Árið 1858 kom vor-
áfclli um hvítasunnu; 23. maí gjörði jarðlaust, svo að varð að
taka sauðfé inn á gjöf. Sauðburður var byrjaður því komið var í
fimmtu viku sumars. En nálega allir höfðu hey, því sumarið áður
hafði verið gott. Svo áfellið gjörði ekkert fjártjón.
Veturinn 1858-1859 var kallaður „Helminga-vetur“. Seinni
hlutinn var afar harður. Þá voru sumarpáskar. Þann 24. apríl, á
föstudaginn langa, setti niður snjókyngi og nóttina á eftir; en
snjóbylur var á laugardaginn. Faðir minn og bróðir ætluðu að
reka fénaðinn upp til efri sveita á laugardaginn, hefði veður leyft.
Þá man ég að cldur var dauður í Kóreksstaðagerði á laugardags-
morguninn, svo ekki var hægt að hita neinn mat; um eldspýtur
var ekki að tala, þær voru lítt þekktar. Bróðir minn var sendur
66
Goðastemn