Goðasteinn - 01.09.1973, Blaðsíða 44

og lömbum svo hleypt út. Þegar komið var heim, var stekkjar-
mjólkin hituð og gerður úr henni grautur til morgunmatar.
Fráfærur, þegar lömbin voru tekin frá ám, voru vanalega gjörð-
ar í tíundu viku sumars og tíu vikur af. Einu sinni man ég, að
fært var frá í níundu viku sumars hjá mörgum. Það var 1861,
á mánudag 24. júní. Eitt vor, sem var kalt, var ekki fært frá
fyrri en í tólftu viku sumars. Farið var til stekkjar fráfærudags-
morguninn, og sumir tóku ærnar og ráku heim og mjólkuðu og
héldu þcim svo til haga um daginn og fyrstu dagana eftir frá-
færur á engjum sínum og þar í grennd. En sumir hleyptu lömb-
unum út fráfærumorguninn og létu þau sjúga ærnar til hálfs, létu
svo lömbin inn aftur en ráku ærnar tii haga. Þessi aðferð gjörði
lömbin spakari í vöktun um daginn. Lömbin voru vöktuð um það
viku, áður cn þau voru rekin til afréttar, þá var búið að marka
þau og gjöra kynbreyting á hrútlömbum. Sumir, sem ekki voru
fjárríkir, auðkenndu lömb sín, svo þeir gætu þekkt þau, þegar
þau kæmu af afrétt um haustið. Þeir drógu spotta af pjötlum í
eyrun á þeim. En oft aflituðust auðkennin og töpuðust. Menn
skrifuðu í minnisbók hjá sér auðkennin.
Ær voru afhjúpaðar ullinni á stekkjartíma og að liðnum frá-
færum. Ullin var þvegin vandlega og hreinsuð af óhreinindum,
látin svo í poka. Hún var aðalverzlunarvara bænda á sumrum.
Hið bezta úr henni brúkuðu menn til klæðagjörðar heima hjá sér.
SUMARVINNA
SUMARKAUPTÍÐ
Seyðisfjörður var gjörður að verzlunarstað árið 1853. Áður
máttu Hjaltastaðaþinghármenn sækja verzlun sína á Eskifjörð.
Þaðan, sem ég ólst upp, í miðri sveit, var dagleið til Seyðisfjarðar
með lausa hesta. Vegurinn lá suður sveitina og svo eftir hálsum
upp frá nyrztu bæjum í Eiðaþinghá, þá tók við Gilsárdalur, scm
beygðist í suðaustur, svo Vestdalsheiði, og var kallað á Hellum,
þar sem heiðin byrjaði.
Vegurinn lá suðaustur með stöðuvatni, sem nefndist Vestdals-
vatn. Þegar heiðin endaði, tóku við margar brekkur snarbrattar.
Sú fyrsta og efsta nefndist Vatnsbrekka, fyrir neðan heiðar-
42
Goðasteinn