Ný menntamál - 01.06.1983, Page 5

Efni & höfundar
í fyrsta tölublaði Nýrra Mcnntamála fer mest fyrir
greinaflokki sem ber heitið Hvernig líður kennurum í
vinnunni? Birna Sigurjónsdóttir, kennari við Víði-
staðaskóla í Kópavogi, skrifar fyrstu greinina í flokkn-
um. Fjallar hún m.a. um vinnuskipan í kennslustarf-
inu. Birna segir ennfremur frá hinni svonefndu Nord-
stress-könnun, samnorrænni rannsókn á sviði vinnu-
verndar. Haukur Viggósson kennir einnig við Víði-
staðaskóla. Hann greinir m.a. frá því hvernig skipulag
skólastarfs getur leitt til einangrunar kennara. Hrólfur
Kjartansson námstjóri ritar grein þar sem hann leitast
við að draga upp mynd af skólum sem stofnunum. Vík-
ur hann jafnframt að viðleitni kennara til að bæta
skólastarfið. Benedikt Sigurðarson frá Grænavatni er
kennari við Stórutjarnaskóla í S.-Þingeyjarsýslu. Bene-
dikt segir lesendum frá könnun sem hann vann á sl. ári
en hún beindist að viðhorfum kennara til ýmissa þátta
skólastarfs. Síðast í greinaflokknum eru birtar nokkrar
niðurstöður úr könnun, sem skólamálaráð KÍ gekkst
fyrir árið 1981, og tveimur spurningum er beint til
formanna KÍ og HÍK, sálfræðings og félagsráðgjafa.
Viðtalsþættir eru þrír í blaðinu: Jónas Pálsson var
kjörinn rektor Kennaraháskóla íslands 28. janúar síð-
astliðinn. Stefán Jökulsson, ritstjóri NM, ræðir við
Jónas af því tilefni. Einnig er birt viðtal Stefáns við
Guðlaugu Snorradóttur, skólastjóra Heyrnleysingja-
skólans, og þrjá kennara við skólann. ÓlafurJ. Proppé
varði fyrir skömmu doktorsritgerð í Bandaríkjunum.
Ingvar Sigurgeirsson, forstöðumaður kennslumið-
stöðvar Námsgagnastofnunar, ræðir við Ólaf um efni
ritgerðarinnar.
Hörður Bergmann námstjóri skrifar grein sem hann
nefnir Hvernig líður unglingum í skólanum? í fram-
haldi af grein Harðar rita fjögur ungmenni stutta
pistla. Guðrún Friðgeirsdóttir, kennari við Mennta-
skólann í Hamrahlíð, ritar grein um skólaráðgjöf.
Baldur Ragnarsson, sem er einnig kennari við MH,
ritar grein í tilefni af aldarafmæli esperanto á þessum
áratug.
Ætlunin er að i hverju tölublaði NM verði nokkrir
fastir liðir; Karl Jeppesen, deildarstjóri fræðslumynda-
deildar Námsgagnastofnunar, skrifar um myndvarpa
og glærugerð í þættinum Svona gerum við. Jóhanna
Sveinsdóttir, kennari við MH, er höfundur fyrsta pist
ils í þættinum Sögur úr skólastofunni og Pétur Önund-
ur Andrésson, kennari við Breiðholtsskóla, skrifar
Vangaveltur í þetta sinn. Heimir Pálsson, skólameistari
á Selfossi, beinir spurningu til Ingvars Gíslasonar
menntamálaráðherra í þættinum S & S & S (spurt, svar-
að, spurt). Ráðherra ber síðan fram spurningu sem
svarað verður í næsta blaði. Þorvaldur Örn Árnason
námstjóri og Svanhildur Kaaber, yfirkennari í Foss-
vogsskóla, skrifa umsagnir um bækur. Loks ber að
geta þess að fyrirhugað er að birta bréf sem blaðinu
berast. Eru lesendur eindregið hvattir til að senda
Nýjum Menntamálum bréf og hvers kyns efni.
Birna Haukur Hrólfur
Þorvaldur Örn Ingvar S.
5