Fróðskaparrit - 01.01.1958, Blaðsíða 59

Heilsustandurin hjá børnum í Eiðis læknadømi
65
kundi týðað uppá, at avskapningin ofta hvørvur við tíðini,
brekið er tó eisini ávíst hjá 13—14 ára gomlum børnum.
Einki av hesum 33 børnum hevði ketilbringu.
15. Hjólbeintur. 13 (9á\ 4?) av teim kannaðu 727 børn=
unum vóru hjólbeint; oftast rakk hjólingin úr mjødn í fót.
Um eini tvey eitur, at hjólingin var lítil; men hjá teim
allarflestu var hon ógviliga sjónsk. Einar tvær ferðir er
viðmerkt, at barnið tvinnaði.
16. Kálvakníggjaður. 6 børn, alt gentur, vóru kálva*
kníggjað.
17. Høgrarend ryggbending (dextraconvex scoliose). 2
gentur høvdu høgrarenda ryggbending. Hjá aðrari rakk
bogin úr 6. til 11. geisla, og frá 12. geisla helt hann fram
vinstrarendur niður ígjøgnum lendarnar.
18. Vinstrarend ryggbending (sinistroconvex scoliose).
Tað vóru 26 (8d\ 18?) børn við lítlari vinstrarendari
ryggbending, og har umframt 2 børn, bæði gentur, við
meira krappari ryggbending sama veg.
19. Kúla á bakinum. Millum tey 727 børnini vóru 18
(8d\ 10?) eitt lítið sindur kúlut, og ryggurin her so stirvin,
at hann rættist ikki upp. Kroppsburðurin hjá teim flestu
vánaligur og høvdið lútandi.
20. Eingin fetting. Hjá ikki heilt fáum børnum, 23 (5d\
18?) var lendafettingin nógv flatnað, heilt burtur, ella flá
kúla kom staðin fyri.
21. Ovmikil lendafetting sást hjá 5 børnum (3d\ 2?).
Stykkini við talmerkingini 11—21 hava tilsamans 262
avskapingar av bringuni, beinunum, rygginum og lenđunum,
ávístar hjá 187 av teimum 727 kannaðu børnunum. Verða
tær 4 genturnar í 2. stykki lagdar afturat — tær sum høvdu
6 avskapingar — verða tilsamans 268 avskapingar hjá 191
børnum. Fjórða hvørt av teimum 727 børnunum (26%),
sum øll vóru undir 15 ár, høvdu so eitthvørt frávik frá
rættvorðnum. Vit mega her ikki gloyma, at flestu av hesum
frávikum vóru smá. Stórur partur av teimum verður ivaleyst
varandi alt lívið; tí flestu av teimum 191 børnunum vóru
so gomul, at eingin vón er um nakra broyting. 5