Fróðskaparrit - 01.01.1958, Side 99

Kolanøgdin í Suðuroy
105
í einum fronskum bókaverki, Les Gisements de Houille
de Suderø (1908), sum er eitt savn av ymsum frágreiðingum
um kolið og kolarannsóknir í Suðuroy, eru metingar av
kolanøgdini sum víkja munandi frá teimum metingum, sum
nevndar eru frammanundan. Fremst í bókini verður kola*
nøgdin søgd at vera 120 mill. tons og í einum yvirliti yvir
tær ymsu frágreiðingarnar eftir Percival Fawler (1901) verð*
ur sagt at kolanøgdin oman fyri sjóvarmálan tykist vera
225 mill. tons. Hann leggur aftur at, at bert ein av teimum
trimum kolalindunum er mett til 50 mill. tons. í frágreiðing
hjá Renaud (1884) í somu bók verður m. a. tikið nakað
soleiðis til: Tær kolalindir, sum til eru uttan um Trongis*
vág, eru kannaðar ferð eftir ferð síðan 1875, kanningar sum
hava víst á 3 lindir hvør oman á aðrari, allar oman fyri
sjóvarmálan. Til at meta um, hvussu víða ovasta kolalindin
gongur, er grivið á 22 støðum, og er tað soleiðis komið fyri
ein dag, at kolaøkið fevnir um 16.251.229 m2 ella 23.085.062
m3 ella um leið 34.627.593 tons av koli bara í tí ovastu
kolalindini sunnan og norðan fyri Trongisvág. Miðlindin,
sum bara er kannað og roknað út fyri økið norðan fyri
Trongisvág, er 9.219.600 m3 ella um leið 13.829.400 tons.
Við tað at tær somu lindirnar eru til allastaðni á oynni,
sigur hann, er ikki ovnógv avgjørt at meta kolaríkidømi
sum hoyrir til Suðuroyarrættindini til meira enn 150.000.000
m3, ella um leið 225.000.000 tons. Til hesa frágreiðing við«
merkir C. D’Ornano, at tá Renaud skrivaði frágreiðing sína,
var Føroyakortið 1:20.000 ikki liðugt. Nú vit hava hetta
kortið, sigur hann, vita vit, at ovasta kolalindin fevnir um
27.000.000 m2 ella 2.700 ha. Kolatjúkdina sigur hann vera
1,65 m (í Bláfossi og Øxlini) og evnistyngdina 1,3531.
Kolanøgdin í hesari lindini metir hann tí til 27.000.000
m2 X 1,65 = 44.550.000 m3, sum faldað við evnistyngdini
1,3531 verður 60.285.605 tons. Miðlindina, sum fevnir um
sama økið, metir hann, tá kolatjúkdin er 0,78 m (Nord=
strøm 1876), til 21.260.000 m3 ella 28.766.906 tons. í einari
frágreiðing hjá A. Daigre (1903) verður sagt, at kolaøkið