Tímarit Máls og menningar - 01.12.1981, Qupperneq 89

Madur rósarinnar
Faðir Espínoza samþykkti með þögn og höfuðhneigingu. Hann var
orðinn áhyggjufullur. Leikurinn hafði snúist upp í að vera athyglisverður
og dularfullur í senn, og öryggið í orðum og æði mannsins verkaði á
munkinn líkt og góðlátleg misvirðing.
Espínoza leit rannsakandi um klefann áður en hann fór. Erfitt yrði að
sleppa út eftir að dyrum hefði verið læst. Og hvað ynnist þótt manninum
tækist það? Engin leið var að búa til rós með lit og lögun sem maðurinn
hafði aldrei séð. Auk þess hugðist munkurinn standa á verði um klefann
i klukkustund. Ekki var hægt að hafa nein brögð í tafli.
Maðurinn stóð brosandi við dyrnar og beið þess að guðsmaðurinn
drægi sig í hlé.
Faðir Espínoza gekk út, læsti dyrunum með lykli, gekk úr skugga um
að þær væru harðlæstar, stakk lyklinum í vasann og hóf rölt í rólegheit-
um.
Hann gekk hring um garðinn, síðan annan og hinn þriðja. Mínúturnar
liðu hægt, dröttuðust áfram. Aldrei höfðu sextíu mínútur klukkustund-
arinnar liðið jafn hægt og nú. Faðir Espínoza var í upphafi einkar rólegur.
Tilraunin gat ekki tekist. Þegar tíminn sem maðurinn hafði
tilgreint rynni út, þá mundi hann ljúka upp dyrunum og hitta hann
nákvæmlega eins og þegar hann skildi við hann: maðurinn mundi hvorki
halda á rósinni góðu né öðru henni líku. Jafnskjótt færi hann að afsaka sig
með einhverjum undanslætd. Þá hugðist munkurinn halda ræðustúf yfir
manninum og málið yrði útkljáð um leið. A því lék enginn vafi. En á
göngunni hvarflaði að honum spurning:
Hvað skyldi maðurinn hafa fyrir stafni?
Spurningin vakti ugg. Maðurinn hlaut að gera eitthvað, einhverja
tilraun. En hvaða tilraun skyldi hann stunda? Ahyggjur munksins fóru
vaxandi. Skyldi maðurinn hafa einhver vélabrögð í frammi við hann, í
sérstökum tilgangi? Espínoza nam staðar og reyndi skamma stund að
komast að niðurstöðu, og hann rifjaði upp fyrir sér orð og útlit mannsins.
Kannski var maðurinn geðveikur. Augu hans höfðu brunnið, þau skinu,
og fas hans var frjálsmannlegt og einhvern veginn ómeðvitað, tilgangur
hans...
Espínoza stikaði þvert yfir garðinn og eftir ganginum þar sem klefinn
447
L