Morgunblaðið - 26.05.2000, Side 32

32 FÖSTUDAGUR 26. MAÍ 2000
MORGUNBLAÐIÐ
URVERINU
Aukið framboð á bolfíski í Bandaríkjunum
Sölutregða í Evrópu vegna
lágs gengis evrunnar
MAGNÚS Gústafsson, forstjóri
Coldwater Seafood Corp., segir að
framboð á íslenskum fiski í Banda-
ríkjunum hafi aukist frá áramótum,
ekki síst vegna sölutregðu í Evrópu
sem stafar meðal annars af lágu
gengi evrunnar og undangengnum
verðhækkunum. Framboðið vestra
hafí verið meira en eftirspurnin en
hafa beri í huga að neysla sjávar-
afurða sé mjög lítill hluti heildar-
neyslunnar.
Eins og Morgunblaðið hefur
greint frá flutti Magnús erindi um
framboð og eftirspurn sjávarafurða
á ráðstefnunni „Hafsjór tækifær-
anna“ sem Amerísk-íslenska versl-
unarráðið stóð fyrir á Hótel Loft-
leiðum í liðinni viku. Þá kom m.a.
fram hjá honum að til að halda stöð-
unni á bandaríska markaðnum og
jafnvel bæta markaðshlutdeildina
yrði stöðugt að auka verðmætið og
verðhækkun gæti varla varað lengi
án aukins verðmætis í augum neyt-
enda. I því sambandi nefndi hann
verðhækkanir sem orðið hafa á salt-
fiski undanfarin ár. Almennt hefðu
þær haldist vegna þess að áður hefði
saltfiskur verið hversdagsmatur en
síðan hefði hann orðið að veislumat.
Til samanburðar hefði einfryst al-
askaufsablokk verið hækkuð úr 90
sentum árið 1997 í 1,50 dollara en
væri nú aftur komin í 90 sent.
Að sögn Magnúsar var heimssala
botnfisks um 12 milljónir tonna árið
1987 en erfiðlega gengur að selja
um 7 milljónir tonna í ár. Astæðan
er fyrst og fremst hækkanir án þess
að verðmætið aukist að sama skapi.
í því sambandi ber að geta þess að
verðið fór upp úr öllu valdi í Banda-
ríkjunum árin 1990 og 1991, þegar
þorskstofninn við Noreg hrundi. I
kjölfar hækkunarinnar hrundi sala
á frystum þorskflökum og það tók
sex ár, frá 1992 til 1998, að ná mark-
aðnum aftur. Þá hækkaði verðið á
ný og hélst áfram hátt í fyrra en
lækkunin að undanförnu er til þess
að ná jafnvægi milli framboðs og
eftirspurnar. Ennfremur hefur
lækkun ávallt þau áhrif að menn
halda að sér höndum því þeir vilja
ekki brenna sig á birgðalækkunum.
Hins vegar er ljóst að lítið magn af
þorski verður á bandaríska mark-
aðnum þegar á líður árið. Tæplega
400.000 tonna Kyrrahafskvóti, sem
Bandaríkjamenn nýta aðallega, er
nær veiddur, og Norðmenn eru
langt komnir þannig að íslendingar
brúa væntanlega bilið.
Magnús bendir á að frystar sjáv-
arafurðir frá íslandi séu ekki ein-
ungis í samkeppni við aðrar sjávar-
afurðir heldur ekki síður við önnur
matvæli. Framboð á ræktuðum fiski
hafi aukist mikið á undanförnum ár-
um og verðið lækkað. Til dæmis hafi
laxaflök kostað um 9 dollara pundið
árið 1987, þegar laxinn var almennt
seldur heill, en nú kosti snyrt og til-
búin flök í hæsta gæðaflokki um
3,75 til 4,10 dollara pundið. Til sam-
anburðar séu þorskflök seld á um
3,50 dollara pundið.
Leynist
blaðburðarpoki heima
| » y L JL_

Þeir biaðberar, fyrrverandi og núverandi, sem eru með
blaðburðarpoka en þurfa ekki á þeim að halda við
blaðburð, vinsamlegast komi þeim til áskriftardeildar
Morgunblaðsins, Kringlunni 1, 103 Reykjavík. Móttakan
er opin virka daga milli klukkan 9 og 17.
Ef þið hafið ekki tök á að skila þeim, hafið þá samband
við áskriftardeild í síma 569 1122 og við sækjum þá.
ÁSKRIFTARDEILD
Sími 569 1122/800 6122 • Bréfasími 569 1115* Netfang askrift@mbl.is
Frá undirritun samnings um verklok á innleiðingn Wise-Fish upplýs-
ingakerfísins hjá UA. Frá vinstri: Hafþór Heimisson, vcrkefnissljóri hjá
TölvuMyndum á Akureyri, Guðbrandur Sigurðsson, framkvæmdastjóri
UA, Garðar Már Birgisson, framkvæmdastjóri TölvuMynda á Akureyri,
og Jón Hallur Pétursson, fjármálasljóri UA.
IJA innleiðir
Wise-Fish upp-
lýsingakerfi
TÖLVUMYNDIR á Akureyri hafa
nú lokið við að innleiða Wise-Fish-
upplýsingakerfið hjá Útgerðarfé-
lagi Akureyringa hf. og dótturfé-
lögum þess. Nýja kerfið byggist á
Navision Financials-upplýsinga-
kerfinu ásamt sérlausnum fyrir
sjávarútveg sem TölvuMyndir hafa
þróað. Að sögn Garðars Más Birg-
issonar, framkvæmdastjóra Tölvu-
Mynda á Akureyri, er þetta ein
stærsta innleiðing á Wise-Fish-
kerfinu í heiminum til þessa.
Wise-Fish-upplýsingakerfið hjá
ÚA felur m.a. í sér fjárhags-, við-
skipta-, lánardrottna- og launabók-
hald, vinnslukerfi, útgerðarkerfi,
gæðakerfi og útflutnings- og sölu-
samningakerfi, ásamt nokkrum
öðrum aukakerfum. Samhliða upp-
setningunni var einnig farið í end-
urskoðun á bókhaldslykli félagsins
ásamt því að upplýsingakerfi dótt-
urfyrirtækja ÚA voru flutt í Navis-
ion Financials.
Ánægður með
samstarfið
„Við getum ekki annað en verið
ánægðir með samskiptin við starfs-
menn TölvuMynda. Hér var á ferð-
inni samstillt átak starfsmanna
okkar og starfsmanna þeirra og við
höfum fulla trú á að þetta nýja
upplýsingakerfi skili okkur sterk-
ari inn í framtíðina," segir Guðbr-
andur Sigurðsson, framkvæmda-
stjóri ÚA.
Nýfundnaland og Labrador
Enn niðurskurður
á þorskaflanum
SJÁVARÚTVEGUR í Kanada varð
fyrir enn einu áfaliinu í vikunni þeg-
ar kandíska hafrannsóknaráðið
(FRCC) lagði til að leyfilegur
heildarafli á þorski fyrir norðan-
verðu Nýfundnalandi og Georgs-
banka yrði skorinn niður á þessu ári.
«5
V.
Q>
&
c
0)
2
'i«
Neffoc,^

abinnréttingar
í miklu úrvali
Friform
HÁTÚNI6A (I húsn. Fönix) SlMI: 552 4420
Hafrannsóknaráðið kynnti tillög-
ur sínar fyrir sjávarútvegsráðráðu-
neyti Kanada á miðvikudag en í ráð-
inu eiga sæti fulltrúar stjórnvalda og
sjávarútvegs. í ráðgjöf þess kom
fram að endumýjun þorskstofna á
umræddum svæðum hefði tekið
lengri tíma en búist hefði verið við í
fyrstu. Afrán sela, hækkandi hitastig
og ofveiðar erlendra togara eru m.a.
talin hafa áhrif á þessa hægu þróun.
Lagt var til að þorskkvóti við strend-
ur norðurhluta Nýfundnalands og
suðurstrendur Labrador yrði skor-
inn niður úr 9.000 tonnum í 7.000
tonn. Þá var lagt til að heildarþorsk-
afli á Georgsbanka yrði skorinn nið-
ur úr 3.000 tonnum í 2.000 tonn á
þessu ári.
Þorskstofninn á þessu svæði var
áður einn stærsti þorskstofn í Norð-
ur-Atlantshafi en veiðar úr honum
eru í dag aðeins um 10% af því sem
áður var. Á miðjum níunda áratugn-
um fór heildarafli úr stofninum upp í
um 200 þúsund tonn á ári en heildar-
afli Kanadamanna úr Atlantshafi var
á þessum tíma um 500 þúsund tonn.
Þorskveiðarnar hrundu síðan í lok
áratugarins sem leiddi til veiðibanns
árið 1992.
Ráðið lagði hins vegar til að leyfi-
legur heildarafli á ýsu og einstökum
lúðutegundum á Georgsbanka verði
hins vegar aukinn á þessu ári, þar
sem sýnt þykir að þessir stofnar séu
að braggast eftir mikla lægð á síð-
asta áratug.