Skírnir - 01.01.1887, Blaðsíða 34
36
ENGLAND.
blöð þjóðverja heldur í Englendinga, og stundum kallað, að
þeir drægju sjálfa sig á tálar, sem þeim treystu. Vjer höfum
í greininni að framan «Um horf og afstöðu með ríkjum» bent
á, hvernig sá samruni ríkja hlaut að stefna úr friðaráttinni og
brjála Bismarcks ráði, þar sem honum var mest annt um að
stíja Rússum frá bandalagi við Frakka. I Miklagarði gerðu
Englendingar, sem að venju, allt sem þeir gátu til að sveigja
soldán frá Rússum, en þrátt fyrir allar fortölur læstist hann æ
fastara í klóm Rússlands. þeir höfðu af þessu mikla skapraun,
og þar kom, að haft var i heitingum. f>eir Salisbury ljetu
soldán eða ráðherra hans vita, hvað óráðþægni þeirra við
England mundi hafa í för með sjer. Hreint og beint sagt, að
soldán mætti ekki búast við, að Englendingar hirtu um hvernig
um riki hans færi, ef þeir þyrftu að skerast í leikinn þar eystra,
nema hann bætti ráð sitt og yrði þeim leiðitamari '). — Hins-
vegar þarf þess vart að geta, að engir tóku þvi feginsamlegar
enn stjórnmálamenn Englendinga, er í friðaráttina virtist venda
þar eystra eptir áramótin. Eigi það ekki að takast að kæfa
þann ófriðareld, sem svo margir óttast, er hvorki Englending-
um nje öðrum láandi, þó þeir kjósi að þeir einir atburðir verði,
sem þeir megi sjer að skaðlausu hjá sitja.
Vjer víkjum nú sögunni að frammistöðu Englendinga á
Egiptalandi. Á atfaraárunum var hjer höggið hátt reist, sem
mörgum mun enn minnisstætt, þó minna yrði úr enn til var
stofnað. Asíðan var kallað, að höfuðerindið hefði verið að
koma lagi og reglu á landstjórn, fjárhag og herskipun Egipta.
Eríitt verkefni að vísu, og miklu er á batnaðarleið snúið, en
hjer er enn svo mildu óaflokið, að Englendingar þykjast ekki
geta sagt, hvenær þeir verða búnir, eða hvenær þeir megi
kveðja allt lið sitt heim aptur. Stundum hafa líka hugleið-
‘) Vera má að þetta hati hrifið, því nú er sagt, að soldán sje hinn
blíðasti við sendiboða Englendinga, og nýlega var heimt eptir ensk-
um blöðum, að Abdul Hamid hefði haft hann í heimboði og sett
konu hans á aðra hönd sjer við borðið, en leitt hana eptir borð-
haldið inn í kvennabúrið að sjá dýrð þess og taka í móti kurteisi
kvenna sinna.