Árbók Hins íslenzka fornleifafélags - 01.01.1959, Qupperneq 128

130
ÁRBÓK FORNLEIFAFÉLAGSINS
Baldur Edwins hélt málverkasýningu 13.—27. apríl, Alliance Fran-
caise sýndi eftirmyndir franskra málverka 8.—19. maí, Myndlistar-
skólinn í Reykjavík sýndi barnateikningar 25. maí—2. júní, Ásgeir j
Bjarnþórsson hélt málverkasýningu 14.—23. júní, Jóhann Briem
hélt málverkasýningu 5.—12. okt., rússneska sendiráðið hélt ljós-
myndasýningu um líf sovétþjóðanna 2.—14. nóv. og Menntamála-
ráð Islands hélt 100 ára minningarsýningu um Jón Sveinsson rit-
höfund (Nonna) 30. nóv.—15. des. Aðsókn að þessum sýningum
var ákaflega misgóð, og liggja ekki fyrir tölur um hana.
Safnauki. Færðar voru 64 færslur nýfenginna safngripa, en
margir hlutir eru stundum færðir í einu lagi. Flest var safninu
gefið. Keypt var borð, sem verið hefur í eigu Bjarna skálds Thorar-
ensens og silfurspennur úr eigu Ingibjargar, konu Jóns Sigurðsson-
ar. Meðal beztu gjafa á árinu má nefna einkennilegan stein (með
grópum) frá Harastöðum í Dölum, gefandi Þorbjörn Ólafsson,
merkilegan, fornan bronshún, líklega af kirkjulegum staf, fundinn
á Þingvöllum, gefandi séra Jóhann Hannesson, mörg hagleiksverk
eftir Stefán Eiríksson, gefandi frú Þorbjörg Friðgeirsson, tvo sels-
maga undan lýsi, gefandi Sigurður Arason á Fagurhólsmýri, út- >
skorinn skáp, gefandi Ragnar Ásgeirsson, tvo rúmenska þjóöbún-
inga, gefandi Corcinschy sendiherra, blekbyttu, er átt hafði eitt
sinn Jónas skáld Hallgrímsson, gefandi frú Þórunn Brown, skíði
og staf af Ströndum, gefandi Jón Eyþórsson.
Vaxmyndasafniö. Engin breyting varð á vaxmyndasafninu og
aðsókn að því svipuð. Gestafjöldi á árinu var 3358.
Örnefnasöfnun. Ari Gíslason örnefnasafnari skrifaði upp hand-
rit Skúla Skúlasonar úr Norður-Þingeyjarsýslu og gerði ráðstafanir
til að fylla það hjá réttum aðiljum. Bárðardal skráði hann allan
eftir ábúendum sjálfum, enn fremur Köldukinn að mestu leyti, og
Mývatnssveit verður innan skamms fullgerð. Á Akureyri dvaldist
hann í tíu daga við að afla fróðleiks hjá Þingeyingum, búsettum
þar og færa inn á skrárnar. Suður-Þingeyjarsýsla er því enn
fullskráð.
Enn eina tilraun gerði Ari til að bæta um safnið úr Gullbringu- i
og Kjósarsýslu, og telur nú þrautreynt og vinnur að hreinritun
safnsins.
Á vegum fornleifafélagsins safnaði Magnús Finnbogason frá
Reynisdal örnefnum í Kirkjubæjarhreppi í Vestur-Skaftafellssýslu,
og eignaðist safnið handrit hans eins og að undanförnu.